achighiristài , vrb: acixiristae Definition istrantagiare, fàere o portare crogorista, nau prus che àteru in cobertantza de chie si che artzat foedhandho coment’e chi tèngiat arrexone meda e de chie est creschendho e si paret mannu Synonyms e antonyms achibberare, altivai, atzierai, incaboniscai, inchibberare, inchighiridhare, inchighiristai Sentences cussu est bonu a cojai: est cumentzendi a s'achighiristai 2. is manniosos si acixiristant Etymon srd. Translations French s'enorgueillir English to make proud Spanish engreírse Italian insuperbirsi German stolz werden.

altivài , vrb: artivai Definition su si cunsiderare o crèdere tropu, su si fàere altivu Synonyms e antonyms achibberare, atzierai, incaboniscai, inchibberare, inchighiridhare, inchighiristai Etymon srd. Translations French remplir d'orgueil English to make proud Spanish engreír Italian insuperbire German stolz werden.

alvuràdu , pps, agt: arburiau Definition de alvurare; nau de ccn., chi s'est oféndiu, arrennegau Synonyms e antonyms aggromolau, annicadu, impubusau 2. rispondhet alvurada e male posta: Mira chi custa no est domo tua! Translations French contrarié, ennuyeux ou fâché English resentful Spanish enarbolado, enfadado Italian inalberato, risentito German stolz geworden, gereizt.

apudhài , vrb: apudhare Definition su si che artzare a su pudhàrgiu, a s’acorru de is pudhas, artzare a pitzu de calecuna cosa che is pudhas; andhare a in artu; su si crèdere meda, bogare atza che pudhu in mesu de pudhas Synonyms e antonyms apiculai, apodhilare, apudhalzare / ampiai, alciare / alleporedhare, alleporizare, apudhichinare, incaboniscai, ingrigliare Sentences ma càstia cussu caboni chi si est apudhau asuba de sa carrada! ◊ custa pudha fiat apudhada asuba de unu muntoni de òru… 2. sa nébida a mengianu de su Frumindosa si ndi apudhat a bidha Etymon srd. Translations French se percher, ragaillardir, remplir d'orgueil English to perch, to make proud, to make cocky Spanish posarse los pájaros, engallarse Italian appollaiarsi, ringalluzzire, insuperbire German sich niederkauen, eitel werden, stolz werden.

apudhichinàre, apudhighinàre , vrb Definition fàere su pudhighinu, che is pudhighinos, nau prus che àteru in cobertantza de is piciochedhos; su si pònnere o istare che pudhas, che pudhighinos in pitzu de calecuna cosa Synonyms e antonyms alleporedhare, alleporizare, apudhai, incaboniscai, ingrigliare / apudhalzare 2. apudhighinada in sas àlbures, sighiat a si fàghere sa zoronada budhinne cariasa Etymon srd. Translations French s'enorgueillir, ragaillardir English to make proud, to make cocky Spanish engallarse Italian insuperbirsi, ringalluzzire German stolz werden, eitel werden.

assetàu , agt Definition chi no giaet cunfidàntzia, chi si credet meda Synonyms e antonyms magnosu 1, superbiosu Translations French hautain English arrogant Spanish soberbio Italian supèrbo German stolz.

inchérrida , nf Definition su chi unu paret a cara, fintzes una genia de atza, de fortza chi si paret in cara, abbaidada a corroncinu / àere mala i. = portai oghida lègia Synonyms e antonyms bisura, cara, chèrgia, chígia, faci / chinna, inchizada / fieresa Sentences sa cara at s'inchérrida de sos vint'annos (C.Meridda) 2. cantos dechidos e briosos, cun música de Saldigna antiga e noa, poniant inchérridas de raighinas! Translations French fierté English pride Spanish fiereza Italian fierézza German Stolz.

incherrídu , agt Definition chi portat una inchérrida, genia de bisura de importu Sentences sos altistas sa domíniga essiant a passizare, incherridos, bestidos de pannu o de bellutinu Etymon srd. Translations French fier English bold Spanish orgulloso, digno Italian fièro German stolz.

inchighiristài, inchighiristàre , vrb: incixiristari, incragaristai, increghestare Definition coment'e fàere o artzare sa crogorista, arrennegare, su si crèdere meda, bogare sa conca de su sacu foedhandho cun atza Synonyms e antonyms achibberare, achighiristai, altivai, inchibberare, inchighiridhare / abbetiae, afutare, airai, aorcare, arrabbiai, arrannegai, collobbiare, inchestare, inchietae, inchimerai, incrabudhire, infelai, infuterare, insutzuligai, intziminire, renignai Sentences at rispostu increghestèndhesi ca sos disisvios fint totu solu pro sos zòvanos ◊ mi furia incragaristada ancora de prus e ia crétiu de passai is dis prus orrorosas de sa vida Etymon srd. Translations French se fâcher à mort, remplir d'orgueil, lever la crête English to fret and fume, to make proud, to get cocky Spanish alzar el gallo Italian adirarsi forteménte, insuperbire, alzar la crésta German sich erzürnen, stolz werden, den Kamm schwellen lassen.

mannidàde , nf Definition su èssere mannos de tempus, de annos, o fintzes de importu, ma pruschetotu su si crèdere a tropu, su si crèdere de importu prus mannu de su chi si tenet Synonyms e antonyms altària, altivesa, barrosia, chibberesa, intreore, madérria, magnosidade, manniantésimu Sentences dae candho so intrada in mannidade apo pedidu a su coro sa giae pro intrare in s'abbitu de s'onestade (L.Mudadu) 2. Deus fachet connòschere sa poténtzia e sa mannidade sua 3. Deu, sempre m'agiuas a suportare tanta mannidade chi est in s'umanidade, chi no at caras sas òperas tuas! (G.A.Cossu)◊ at una mannidade cussa fémina chi no benit a bene! ◊ sa mannidade atirat s'ódiu ◊ mannidade nachi siat, putzidha! Etymon srd. Translations French orgueil, vanité English pride Spanish soberbia Italian supèrbia German Hochmut, Stolz.

mannosía , nf Definition idea bona, de arrespetu, de cunsideru donniunu po issu, su si crèdere de importu (a bortas fintzes a tropu) Synonyms e antonyms altivesa, magnosidade, manniénscia, ondra | ctr. umilesa Sentences in Sardigna che tevet àere prus mannosia pro Giommaria Angioi! ◊ si naro chi so istada dinna de isse no est pro mannosia ◊ su poeta no bantat mannosia: est modestu e onestu essendhe mannu!◊ cantu a mannosia cussa pitzinna est prus arta de campanile! Etymon srd. Translations French orgueil English pride Spanish orgullo Italian orgóglio German Stolz.

mannósigu , agt Synonyms e antonyms magnosu 1, manninu, strufudhosu, superbiosu Etymon srd. Translations French hautain English haughty Spanish soberbio Italian supèrbo German hochmütig, stolz.

òndra , nf: onra Definition cosa chi si faet o si narat de bonu de unu, coment'e a bàntidu Synonyms e antonyms ondramentu, onore | ctr. desonra Sentences a sos píscamos prego ondras divinas, a sos cumpagnos piús altu gradu (P.Casu)◊ custa pubblicatzione at a dare unu pagu de ondra e de valore a s'ómine chi at chérfidu bene meda a sa Sardigna ◊ mi ant nadu chi as cantadu una moda in ondra mia Etymon spn. Translations French honneur, vanterie English honour, pride Spanish honra Italian onóre, vanto, orgóglio German Ehre, Verdienst, Stolz.

«« Search again