aflachiài , vrb: afrachiai Definition èssere fracu, lenu, débbile, fartare in calecuna cosa, tènnere neghe / afrachiai in sa fidi = àere una fide no tantu frimma, pagu segura Synonyms e antonyms ifrachire Etymon srd. Translations French être faible English to be weak Spanish flaquear Italian èssere débole, vacillare German schwach sein, schwanken.

allancàre , vrb Definition su bènnere mancu de is benugos camminandho, po debbilesa, male, pecu o pesu tropu grae: si narat de àteru puru in su sensu de èssere cédiu, chentza fortzas, pèrdere fortza atrotigandho Synonyms e antonyms achinnae, annaigare, bantzicare, iscotzinare, istantonai, saidare, tambulare, tòmbere / indortigare Sentences calchi rampu allanca allanca a calchi carignu de su bentu si movet (P.Casu)◊ est caminendhe allanca allanca pro su pesu ◊ no at tentu peruna piedade pro cudhu, candho l'at bidu allancadu in terra, insambentadu e derrutu 2. sos puzones in su nie sunt morindhe de fàmine, abbaidendhe cun sos ojos allancados 3. sa nae est allanchendhe e si podet segare Translations French chanceler English to totter Spanish tambalearse Italian barcollare German schwanken.

arreselài , vrb: reselai* Definition su no giare fide, su àere bendha o duda Synonyms e antonyms dudai, suspetai / abbabbarrotai, addojare, adumbrai, assumbrai, umbrai | ctr. cunfiai, fidai Translations French se méfier, hésiter English to distrust, to totter Spanish recelar Italian diffidare, tentennare German mißtrauen, schwanken.

arresélu , nm: arresséliu, arresselu, reselu* Definition su istare a su time time, timendho, su tènnere calecuna duda (fintzes impudu, pentimentu) Synonyms e antonyms duda, suspeta, suspita, tròntzonu / arraolu, pistighinzu, timoria / assúmbridu, discunfiàntzia 2. in totu sa noti no femu arrennésciu a serrai ogu cun s'arresselu de mi ndi pesai chitzi ◊ ia circau de mi donai sa morti e a pobidhu miu dhu depiat àiri ghetau a terra… Arresséliu? Timoria? Umiliatzioni? Translations French hésitation, méfiance English distrust, hesitation Spanish recelo Italian tentennaménto, diffidènza German Schwanken, Mißtrauen.

innaigài , vrb: innaigare Definition indrúchere o abbasciare is naes càrrigas de una mata, tròchere o andhare de un’ala a s’àtera che is naes de is matas Synonyms e antonyms allancare, annaigare, bantzicare, iscotzinare, iscutuai, saidare, stontonai, tambulare, tòmbere Sentences innàigat una mata de pira pro ndhe betare a terra Etymon srd. Translations French secouer, chanceler English to shake, to stagger Spanish contonear Italian scuòtere, barcollare German schütteln, schwanken.

istantonài , vrb: istontonare, istuntonare, stontonai Definition andhare (e fintzes fàere andhare) a tòntonos, coment'e orruendho candho a un'ala candho a s'àtera, chentza si agguantare bene prantaos, comente faet unu imbriagu o pigau a illuinu / andhare istòntona istòntona = a su tàmbula tàmbula Synonyms e antonyms istontoleare, istontorrinare, stombi, tontonae Sentences leat a dereta istontonendhe e abbrunchendhe in s'impedradu iscumbessu ◊ cudhas lughes fuint istontonandhedhu peus de candho si est imbreagau Etymon srd. Translations French vaciller, chanceler English to sway Spanish vacilar, oscilar, tambalearse Italian vacillare German schwanken.

màmula , nf Definition genia de giogu: si faet a bíere de bòllere giare a s'àteru una cosa ma chentza si dha giare abberu, si dhi presentat e si ndhe torrat a pigare Synonyms e antonyms daellea, manlea, pichellassa Etymon spn. mamola Translations French tergiversation English wavering Spanish amago, finta Italian tiremmòlla German Schwanken.

santziaméntu , nm: santzinamentu Definition su tzantzigare, su istare tzantzigandho; in cobertantza, unu fàere cun pagu firmesa, prenu de dudas, pagu seguru Synonyms e antonyms bantzicadura, bantzigonzu, sànciu, santziadura, tzantzigamentu, tzàntzigu / arreselu 2. su suu est unu fàiri chi no ammitit santziamentus Etymon srd. Translations French hésitation, méfiance English distrust, hesitation Spanish titubeo Italian tentennaménto German Schwanken, Mißtrauen.

stóntonu , nm: stóntunu Definition su stontonai Synonyms e antonyms stantonamentu, tóntonu Sentences a stòntonus fúrriat a domu sua ◊ s'intendiat unu stóntonu, un'ammuinu pariat chi teniat una passada de callentura Etymon srd. Translations French chancellement English tottering Spanish tambaleo Italian barcollaménto, barcollìo German Schwanken.

tontonàe, tontonài, tontonàre , vrb Definition andhare a tòntonos, a su tàmbula tàmbula, coment'e orruendho candho a una parte candho a s'àtera, chentza arrennèscere a istare prantaos, comente faet un'imbriagu o unu pigau a illuinamentu, a sonnu (e si narat fintzes de sa possibbilidade de ibballiare, de fàere fartas, po farta de seguresa in su fàere); nau de apertura, serrare unu pagu, o de trastu a incrubau, pèndhere unu pagu a una parte / tontonare un'àrbure = saidare, sachedhare, tzantzigare Synonyms e antonyms bambulai, istantonai, istontorrinare, stombi, tambulare, tòmbere / ingalenare / imbarare Sentences cussu est grai, antzianu meda, si bit ca at tontonau e arrutu est ◊ a tie ti tòntonat su pede! ◊ mi soe tontonadu ca tenio sonnu 2. tontonanci sa porta, no passit cussa carroga mala! ◊ tontonancedha cussa fentana, ca nc'est currenti! 3. sa mesa tòntonat Surnames and Proverbs prb: sa mata prus arta ist sa primu a tontonae Etymon srd. Translations French chanceler English to totter Spanish tambalearse Italian barcollare, vacillare, traballare German schwanken, taumeln.

tzantziàre, tzantzicàre , vrb: sansiai, tzantzigare Definition fàere o giare unu movimentu de andhetorra a cosa apicada o fintzes posta in terra ma de pòdere mòvere chentza dificurtade; iscutulare, mòvere a forte, a iscutuladura; busigare, giare incruescu, istrobbu Synonyms e antonyms bantzicare, chigliare, intzainnai, lachedhare, sachedhare / saidare, tzantzichedhare / busigare Sentences custa pitzinna ballendhe si tzàntzigat totu 2. sas frunzas de sas àrbures tzàntzigant comente andhat bentu ◊ bandhelas tzantzigadas dae frinas ◊ su bentu est tzantzighendhe sas àrbures 3. mih su dílicu, chi no si cheret tzantzicau! Etymon srd. Translations French osciller English to oscillate, to dangle Spanish oscilar Italian oscillare, ciondolare German schwanken.

tzàntzigu , nm Definition su bantzigare Synonyms e antonyms intzàntzinu, nànniga, santziamentu Sentences s'ajaja at apaigadu su nebode a tzàntzigos, leadu in coa Etymon srd. Translations French balancement English swinging Spanish balanceo, oscilación Italian dondolaménto, oscillazióne German Schwanken.

tzillicàre , vrb Definition èssere o istare pagu firmu, a su tòntona tòntona, tzanchitzanchi Synonyms e antonyms traculare, tzucurare Sentences sa banca tzillicat Etymon srd. Translations French chanceler English to wobble Spanish tambalearse Italian pencolare, tentennare German schwanken.

tzucuràre , vrb: tzunculare Definition èssere o istare pagu firmu, a su tzanchitzanchi Synonyms e antonyms itzucurare, traculare, tzillicare Etymon srd. Translations French chanceler English to be shaky Spanish tambalearse Italian pencolare, traballare German schwanken.

«« Search again