afachiàda , nf Definition su afachiare, su ammuntonare cosa e mescamente àliga cun s'iscova Synonyms e antonyms mundhada, scovada Sentences dae un'afachiada a s'arga! Etymon srd. Translations French coup de balai English sweep-out Spanish barrido Italian spazzata German Kehren.

afachiàre , vrb Definition ammuntonare a mundhadura, mundhandho, arregòllere cosas totu impare Synonyms e antonyms acorrae 1, iscobare, mundai / collire, remonire | ctr. isparcinare Sentences afachiare sa cosa, s'arga a su muntone ◊ ant cumintzau a las afachiare chin ramichedhos, sas crocas, e a las cullire ◊ s'at afachiau una truma de zente obiada dae cada bidha 2. sunt afachiandhe fortzas ◊ tenzo vàrias cosas assentadas, cantones medas: sas prus dhas apo deo etotu afachiadas (V.Mura)◊ tue trabballa e candho afachiamus carchi sodhu lu pedis! ◊ fimus afritorias e nos afachiabamus su mucadore Etymon srd. Translations French balayer English to sweep Spanish barrer Italian spazzare German kehren.

mundài , vrb: mundhare, mundhari, munnare Definition ammuntonare a unu tretu s'àliga po che dh'arregòllere, mescamente passandho s'iscova po illimpiare su logu; pinnigare totugantu, no lassare nudha, pigare fintzes su chi no si depet, pigare coment'e a mundhadura (nau fintzes de su chi faet una fortza manna)/ mundhare a lébiu (chentza fagher bolare s'arga), a cadhos a cadhos (impresse meda, faghindhe bolare s'arga atesu, e pesendhe brúere) Synonyms e antonyms afachiare, disargare, isaligare, iscobare, munnuzare, scovai / leai, pinnicai Sentences nosu innòi nci seus po sfrigociai, mundai, allichidiri su logu!…◊ cudha pratza pariat un'isprigu de comenti dh'iu mundada! ◊ amus totu mundhadu sa carrela ca colat sa portessione 2. sa giustítzia in pagos annos si che aiat mundhadu totu ◊ odheu, za amus coitadu a che mundhare cussos pagos sodhos: chentza nudha semus! ◊ nci dh'at mundau su bentu, s'arriu ◊ su dillúviu fut acanta de nci mundai totu sa bidha Etymon ltn. mundare Translations French balayer, nettoyer English to sweep Spanish barrer Italian spazzare German kehren, fegen.

«« Search again