addegadiàre , vrb Definition fàere a tegadia, fodhe de sa pruna ortitza, chi no ammadurat s'ossu e abbarrat coment'e una tega, buida in mesu, modhe, e apustis si sicat deunudotu Etymon srd. Translations French rabougrir English to grow badly (said about fruit or plants) Spanish zocatearse, apestarse Italian imbozzacchire German einschrumpfen.

assichillonài , vrb: assichizonare, atzichillonai Definition nau de erbas e mescamente de frutuàriu, essire aortitzu, fàere a sichizone, igragalare; nau de unu, imbeciare, essire totu a tzirbisas che cosa igragalada, chi est sicandhosi Synonyms e antonyms acalabiare, allagorjare, allartzanai, astenare, indisichire, sicai / frongire Sentences cussus froris dhus at atzichillonaus s'arrosu mascu 2. sa pedhi si dhi fuat totu atzichillonada coment'e cussa de una fémina bècia (V.Demuro) Etymon srd. Translations French dessécher English to whiter Spanish apergaminarse Italian incatorzolire German einschrumpfen.

astenàre , vrb Definition nau de frutuàriu, intostare o aortire chentza cumpriu (fintzes po pecu); nau de linna, fintzes pipionire, pònnere su greme Synonyms e antonyms acalabiare, agurtire, allagorjare, assichillonai, atecadiare Etymon ltn. extenuare Translations French dessécher English to dry (up) Spanish enmustiarse Italian incatorzolire German einschrumpfen.

atecadiàre , vrb Definition nau de frutuàriu, aortire, fàere a tegadia Etymon srd. Translations French rabougrir English generally referred to fruit which grow badly Spanish zocatearse Italian imbozzacchire German einschrumpfen.

«« Search again