allocài , vrb: allucai Definition fàere o essire locu, ammammalucare, incantare Synonyms e antonyms allochiai, imbolocai, scimprai Sentences ti creis ca mi allucas aici cun duas cositedhas: dèu bollu totu sa parti mia! ◊ candu mi seu cojada mi seu allucada e no apu castiau ni bellesa e ni virtudi ◊ si allucant castiendu arrandas, ingirialetus, una patena, unu cungiali, bastat chi siat cosa antiga! 2. allucaus, no iscidiant in cai istampu nc'intrai ◊ no abbarres allucau! Etymon spn. alocar Translations French devenir idiot English to make silly Spanish enloquecer Italian diventare o far scémo German dumm werden.

allochiài , vrb Definition cufúndhere, no cumprèndhere prus nudha, fàere a macu, a locu Synonyms e antonyms allocai, atontai, incadumai, ispantai, istontoleare 2. dhoi at genti meda allochiada de sa droga ◊ abarràt allochiau a buca oberta e a ogus isprapaluciaus ◊ cussu est allochiau che unu sitzigorru! Translations French abêtir English to make dizzy Spanish alelar Italian rimbecillire German dumm machen, verdummen.

allollojài , vrb Synonyms e antonyms abballalloare, allochiai, atolondrai Etymon srd. Translations French s'abêtir English to make stupid Spanish alelarse Italian diventare stùpido German dumm werden.

bambàrru , agt Synonyms e antonyms babbaocu, baliodha, bichimmeo, bucalloto, gingiorre, isaliadu, issemechiau, làvinu, nuscentri, prantamone, tolondro Scientific Terminology ntl Etymon srd. Translations French bête, sot, stupide English fool Spanish necio, bobo Italian sciòcco German dumm.

bambiòco, bambiócu, bambióncu , agt Definition nau de unu, chi si cumportat cun pagu giudítziu Synonyms e antonyms babbaocu, bambu, bijoncu, braballu, salàpiu, tzinnai, tzullu | ctr. abbistu, cabosu Sentences fit pisedha bella meda, ma bambioca Scientific Terminology ntl Etymon srd. Translations French imbécile, abruti, nigaud, bête, sot English dull Spanish bobalicón, bobales Italian scimunito, melènso German dumm.

bichillói, bichilói, bichilóni , agt Synonyms e antonyms baliodha, bichimmeo, bovatzu, bucalloto, gingiorre, gongoatzu, isimpre, tolondro Translations French naïf, niais English ingenuos Spanish simplón, ingenuo Italian semplicióne German dumm, einfältig.

bichimmèo , agt Synonyms e antonyms babbalocu, baliodha, bucalloto, gingiorre, prantamone, tolondro Translations French sot, stupide English obtuse Spanish necio, soso Italian babbàccio German dumm, einfältig.

bisónchinu , agt Definition nau de ccn., chi no portat capia nudha, chi est chentza imprastu, pagu abbistu Synonyms e antonyms bisoncu, bistónchinu, castigadu, stramu, tzinnai | ctr. abbistu, cabosu Sentences ma est una bisónchina, mih, cussa pisedha, a no èssere bona a fàghere nudha! ◊ bisónchinu, a la cheres fàghere comente si tocat, sa cosa?! Translations French imbécile, abruti, nigaud English silly Spanish bobalicón Italian scimunito German dumm.

bistónchinu , agt Definition chi est trotu e bistrotu; nau de gente, chi no ndhe faet una bona, bene Synonyms e antonyms atortiau, doltu, garronosu, rémbinu / bambioco, bambu, biondu, biorru, biscioncu, bisónchinu, braballu Etymon srd. Translations French tordu, tortueux, sot English crooked, winding, stupid Spanish torcido Italian stòrto, tortuóso, stòlido German krumm, gewunden dumm.

dóltu , agt, nm: dortu, toltu* Definition chi no andhat a línia dereta, no tenet línia dereta; nau de gente, chi no ndhe faet una a deretu, bona, bene, o, nau de cosa o de chistione, chi no est su giustu, no est sa beridade, no est su chi andhat bene Synonyms e antonyms atrotoxau, bistónchinu, fàlchinu, fortzicau / cumbessu, istolatzadu, locu, rebessu, traessu | ctr. deretu, ténneru / arraxoni, giustu Idioms csn: d. che anca de cane = totu atrotiau, trotu meda; nae dorta (nau in cobertantza de ccn.)= trevessu, chi no ndi fait una giusta; andhare, segare, fàghere a d., a d. e a rugadis = a egas e a ogas, in manera contrària a su zustu; andhare in d. = in contràriu, comente neune si disiziat; pretare su d. = abbetiai pretendendi de tènniri arrexoni fintzas candu est craru ca no si ndi tenit Sentences s'ómine fit betzu, dortu e tzumbosu chi pariat una nae de chercu ◊ sa domita est ammuntada cun téulas dortas e male assentadas 2. in custu mundhu finas in su dortu at sempre resone su piús forte ◊ de cosas dortas subra de sa terra che ndh'at chena contu ◊ maridu e muzere s'istimaiant, ma cussideraiant iscàndhulu a pretare su dortu e no su èssere de idea diferente 3. su tempus mi est andhendhe sempre in dortu! (G.Ruju) Translations French de travers, idiot English crooked, foolish Spanish torcido, necio Italian stòrto, stólto German krumm, dumm.

innóchidu , agt, nm Definition tontu, chi o chie no faet atentzione, bambu, chi no si acatat chi is àteros funt cullonandhodhu Synonyms e antonyms ballalloe, galabboi, nocoronzu, scimpri, scioncu, tontarrone / ttrs. santunnoce | ctr. abbistu Sentences su maghiarzu trateit sos duos innóchidos in làgrimas de ternura, subratotu candho l'intregheint una bertuledha de cosas bonas ◊ bois sezis innóchidas e istenoradas! Etymon srd. Translations French stupide English daft, fool Spanish estúpido Italian fésso, stùpido German dumm.

isaliàdu , agt Definition chi no portat salia, sale, o sustàntzia; chi faet is cosas cun pagu atentzione Synonyms e antonyms babbaocu, bacocu, bambarru, barbuliscu, isàpidu, issemechiau | ctr. abbistu, acabadu, atentzionadu, cabosu Sentences no cumprendho chi un'isaliadu e mesu matracheri, ridíndhesi de totu, mi domandhet su votu pro èssere deputadu o cussizeri! (M.Sanna)◊ ma ses macu isaliadu, mih! Etymon srd. Translations French sot English fool Spanish bobo, tonto Italian sciòcco German dumm, fad.

isàpidu , agt: isciàpidu, isciàpiru, issàpidu, ixàpidu, sciàpidu Definition nau de cosa de papare, chi no tenet sabore, o ndhe giughet pagu o de pagu contu; nau de gente, chi est de ideas metzanas, chi narat irbéntios, chi portat pagu giudítziu Synonyms e antonyms issaltzidu / babbaocu, bacocu, bambarru, bambu, illavadu, isaliadu, issemechiau, làvinu, nuscentri | ctr. sàbiu Sentences de cantu est durche est fintzas isàpidu 2. mi ant dadu unu maridu coconeri, issàpidu e lezeri chi mi contat donzi cosa ◊ cussa est una vida issàpida e metanza ◊ est a s'arrejona arrejona contendhe calchi istrallera ixápida Etymon itl. sciàpito Translations French fade, sot English insipid, fool Spanish soso Italian insìpido, sciòcco German fad, dumm.

lócu , agt, nm: allocu 1, Definition chi o chie est pagu giustu de conca, prus che àteru chi est chentza cabu, chentza abbistesa / locu fracu = macu deretu Synonyms e antonyms bambioco, baosatzu, baosone, deleadu, macu | ctr. achistiadu, atinadu, atoadu, cabosu, giudisciosu, sàbiu Sentences chini est cudha loca chi s'innamorit de mei?! ◊ fiat nàsciu locu e de lolloi abbentau iat bíviu Etymon spn. loco Translations French sot, stupide, bête, idiot English dumb Spanish lelo, bobo Italian stòlido, scémo German dumm.

lòlle , agt, nm Definition coment'e lodhe etotu, machisonzu, pagu abbistu / min. lolledhu Synonyms e antonyms ballalloe, balossu, scimpri, sciollocau, locu, lollòi Idioms csn: fàghere sa tucada de l. = andai e no torrai prus; abbarrare coment'e unu l. = coment'e atontadu, meravizadu chentza cumprèndhere Sentences sa tucada de Lolle chi fetat! ◊ cussu lolledhu puru a èssi bófiu cudha baborda!…◊ scit ita faint a custa lolledha? candu dha bint inchieta dhi ghetant su bratzu asuba e dhi cantant cancuna cosa! ◊ si l'est pompiandhe che lolle, a buca aperta Etymon srd. Translations French crétin, idiot, imbécile, sot, stupide English idiot Spanish imbécil Italian cretino German Dumm.

mangallói , agt, nm: manghilloi Definition chi o chie si lassat cullonare cun facilidade; persona manna meda, arta e grussa Synonyms e antonyms babule, baliodha, bambarru, bichilloi, bichimmeo, bovatzu, bucalloto, gingiorre, prantamone, tolondro / giangalloi Translations French couillon, nigaud, balourd, niais English dope Spanish papanatas Italian minchióne, babbèo German dumm.

scanníu , pps, agt: schinniu Definition de scanniri; chi no sonat bene o chi faet sonu légiu (sonu coment'e de cosa segada); nau de un'istrégiu, chi giughet isperradura, tzacadura fine fine; nau de unu, chi est malandhau / portai sa boxi scannia = unu pagu serragada (ma si narat èssi sarragau) Synonyms e antonyms afilau, cannidu, chinnidu / arroghidu, iscannidu, serragadu / tunconidu 2. no ti acatas chi ses totu schinniu, bragheri?! ◊ sa téula scannia ◊ est físchidu che una damigiana scannia 3. portat sa boxi scannia Translations French fêlé English cracked Spanish hueco, retumbante, agrietado Italian incrinato, fésso German gesprungen, rissig, dumpf, dumm.

scímpri , agt, nm: scimpru Definition chi o chie dhi fartat meda s'inteligéntzia Synonyms e antonyms bichillocu, cadhuabba, carusci, innóchidu, ispistulonadu, listrone, macu, scioncu, simple*, tontarrone, trasciadu | ctr. àbbili, abbistu, intelizente Sentences ma it'est, scimpru o basucu tontu, ca no cumprendit nudha?! ◊ mi at pigau coment'e unu macu, coment'e unu pipiedhu scimpri! Etymon ctl. ximple Translations French sot English dumb Spanish tonto Italian scémo German dumm.

scimpròtu , agt, nm: semprotu, simplotu, simproto Definition chi o chie est pagu o nudha abbistu e chentza giudu, tontatzu chi credet a dónnia cosa, si lassat pigare in giru che nudha Synonyms e antonyms babbasucu, chichillone, gongoatzu, imprupudhu, matacaleo, scimpribi | ctr. àbbili, abbistu, intelizente Sentences dieta Semprónia est gliusca, simplota e bova ◊ bi at tzente semprota e tzente malissosa Etymon ctl. ximplot Translations French sot, nigaud English dupe Spanish simplón Italian scémo, sempliciòtto German dumm, Dummkopf.

scióncu , nm, agt: iscioncu* Definition chi o chie est conchilébiu, pagu de giudu, chi no est tanti giustu de conca Synonyms e antonyms ammadredhadu, innóchidu, scimpri, tontassu / abbaunzu, peca 1 Idioms csn: fai su s. = fàghere cosa chi andhat tropu male, dannu, (nadu de duos ammorados: pònnere ràida sa fémina innantis de cojare); ischertzus scioncus = brullas malas; fai cropu e scioncu = chentza grabbu, in manera isazerada, a sa maconatza Sentences no fait a arriri mancu a unu scioncu ◊ pòberu scioncu, ita creis, ca unu pisci de cussu manniori tengat ganas de si firmai inguni po comodidadi tua? ◊ cussa frasi scionca ofendit 2. po si lassai cojai, mamma, eus imbentau chi emus fatu su scioncu ◊ custus pretendint de fai su scioncu e poi is fillus si dhus depint mantenni is atrus 3. scioncas abbétias lasseus, ca a mama morendi bieus! ◊ cussa est genti scionca ◊ castiai aundi arribbat sa fémina scionca, a narri ca est fastigendi cun mimi e mancu dha connòsciu!◊ ma càstiai custu, fait cropu e scioncu! Translations French sot English stupid, fool Spanish estúpido Italian stùpido German dumm.

«« Search again