abbaucàre , vrb Definition incantare e pigare in giru, ingannare Synonyms e antonyms abbabballocai, abbalaucare, abbanghelare, abbentai, abbucallotare, alleredhare, ammammalucare, atontai, atraucare, incapiare, ispabajare, spantasiai Sentences su pópulu est tontu e l'abbaucant cun cosas faltzas ◊ a tzerta zente l'ant abbaucada cun bículos de bidru e de istagnola, ca lughent! Etymon spn., ctl. Translations French embobiner English to reel Spanish embaucar Italian abbindolare German betäuben.

abbucallotàre , vrb: bucallotare Definition fàere su bucalloto, a bucalloto, istare o abbarrare che bucallotos, ammammalucaos, incantaos Synonyms e antonyms abbabballocai, abbambanai, abbarballai, abbaucare, abbrabbalucai, ammammalucare, atontai, indormiscai Etymon srd. Translations French abrutir English to stun Spanish aturdir, entontecer Italian intontire German betäuben.

addromitiolàre , vrb Definition giare s'addromitiolu, fàere dormire, batire su sonnu cun meighina Synonyms e antonyms addrommentare Etymon srd. Translations French narcotiser English to narcotize Spanish narcotizar Italian narcotizzare German betäuben.

addrommentàre , vrb: addrummentare Definition coment'e fàere dormire, ma a meighina, cun s'addrommitiolu Synonyms e antonyms addromitiolare Sentences male chi l'addrummentet: bi l'apo dadu topu e mi ndhe l'at torradu topu e mesu! Etymon srd. Translations French narcotiser English to narcotize Spanish narcotizar Italian narcotizzare German betäuben.

ammadainàre , vrb: ammadoinnai, ammadojai, ammadughinare, ammaduinare, ammaudinare Definition fàere coment'e dormiu, coment'e mortu (de su male, de is cropos, de su sonnu, dormitóriu), leare o pèrdere is atuamentos Synonyms e antonyms abbalaucare, abbanghelare, ammaculiare, ammodoinai, ammoltighinare, ammortèschere, atolondrai, immaidoinare, ispantai, scilibriri, stolondrai / ammortie, stramutiri Sentences pro bochire su batu, prima l'at ammaudinadu a fuste ◊ su sórighe in su sorigarzu innanti l'amus ammaudinadu sachedhèndhelu a forte e apustis betadu a sos batos 2. ma cale drommidu: ammaudinadu fia! ◊ su fogu si ch'est ammaudinadu: cheret acontzu ◊ tota die a su faghe faghe, su pitzinnu, fintzas chi si ch'est ammaudinadu de su sonnu! Etymon srd. Translations French assommer English to shock Spanish aturdir Italian tramortire German betäuben.

atambainàre , vrb Definition fàere bènnere s'illuinu, fàere sa conca de no cumprèndhere prus nudha (ma si narat fintzes po s'efetu de un’ispantu mannu) Synonyms e antonyms abbadhinare, abbatzinare, ammolighinare, ibbadhinare, ingadhinae, intambainare, scimingiai, sturnigiai Etymon srd. Translations French étourdir English to daze Spanish aturdir Italian stordire German betäuben.

atontài , vrb: atontiai, atontare Definition fàere o essire tontu, fàere a tontu, istare coment'e ammammalucaos chentza cumprèndhere Synonyms e antonyms abbambanai, abbrabbalucai, abbucallotare, ammacocae, ammammalucai, atolondrai, atontixinare, collonare, improsae Sentences sas criaduras no si depent iscúdere, ca las atontat ◊ cussu mobetzugu tontu… a nosu fiat acanta de atontai! ◊ a cussu piciochedhu dh'atóntiant a corpus Etymon spn. Translations French abrutir, abêtir English to stun Spanish atontar Italian intontire German betäuben.

atontorronàre , vrb Definition fàere a tontorrone Synonyms e antonyms abbambanai, abbrabbalucai, abbucallotare, ammammalucai, atolondrai, atontai Etymon srd. Translations French abêtir English to stupefy Spanish aturdir Italian rintontire German betäuben.

atordíre , vrb: atrudiri, atuldire, aturdire, aturdiri Definition fàere abbarrare coment'e ammammalucaos, ispantaos, meravigliaos o fintzes timendho meda, coment’e chentza cumprèndhere, chentza atuamentos Synonyms e antonyms atolondrai, atronai, ispantare, istronae, scilibriri Sentences sa poesia aturdit, meravizat, ispantat (S.Casu)◊ restadu aturdidu so che berchedha ruta dae nidu (Z.Virdis)◊ partit su tiru e unu lamentu aturdit sa campagna: sa balla at fulminadu a Servadore! ◊ no bos aturdat su chi at a sutzèdere! ◊ inferru e ne morte no l'atuldit ◊ su prontudu no si atuldit e risponnet cun prontesa ◊ sa morti de custa picioca at atrudiu totu sa bidha 2. sa note dae chelu falaiat su lentore e deo sen'ammuntu: mi aturdiant sas palas de su fritu! Etymon ctl., spn. Translations French étourdir English to stun Spanish aturdir Italian stordire German betäuben.

atronài, atronàre , vrb Definition coment'e leare sa conca, illuinare, atontare, pèrdere unu pagu sa capacidade de cumprèndhere Synonyms e antonyms atolondrai, atordire, isorgonare, ispantare, istronae, scilibriri Etymon spn. Translations French assourdir English to deafen Spanish atronar Italian intronare German betäuben.

immaudinàre , vrb Definition fàere o orrúere coment'e dormiu, coment'e mortu (de su male, de is cropos, de su sonnu), leare o pèrdere is atuamentos Synonyms e antonyms ammadainare, ammodoinai, asturdire, irmedhighinare Etymon srd. Translations French assommer English to shock Spanish desmayarse, aturdir Italian tramortire German betäuben.

istronàe , vrb: istronai 1, istronare, stronai 1 Definition coment'e issurdare, nau po sonu o cropu forte, ma nau fintzes in su sensu de fàere sa conca o sa mente coment'e cunfúndhia, chentza cumprèndhere bene Synonyms e antonyms alloriai, atordire, atronai*, irbaloricae, iscirbí, isorgonare, scilibriri Sentences so totu istronadu de custu tússiu forte ◊ no istes istronèndhemi sas orijas ca tantu betas peràulas debbadas! 2. a ndhe zuchiat de piripisone apenas chi fit a mesu costa: una boche de fémmina at istronau che sirena e isse l'at connota deretu! Translations French assourdir, étourdir English dazed, to confuse Spanish trastornar, confundir Italian intronare, frastornare German betäuben, stören.

scimingiài , vrb: insimingiare, sciumingiai Definition fàere a iscimíngiu, a illuinu, pèrdere su sentidu, pigare coment'e a conca de no cumprèndhere bene fintzes po cosa imbusticada, difícile meda, chi giaet pelea manna Synonyms e antonyms abbadhinare, ammolighinare, atambainare, ibbadhinare, imbatzinare, ingadhinae Sentences est scimingedisí sa conca in mesu de is libbrus ◊ e dèu scimingendumí sa conca circhendi cussa cosa! ◊ càstia ca no tengu tempus de mi scimingiai cun su chi bolis tui! ◊ custu fragu de sigarru mi est peri scimingiandu ◊ a dh'acabbas de bati cussa cosa, ca mi scimíngiat sa conca?! ◊ acabbadha de girai ca mi scimíngiat su logu! Translations French abasourdir English to stun Spanish aturdir Italian stordire, scervellare German betäuben, sich den Kopf zerbrechen.

stontonài 1 , vrb Definition coment'e pèrdere is atuamentos, pigare o fàere a illuinu Synonyms e antonyms abbalaucare, ammadainare, asturdire, atolondrai, atontonare, ibbadhinare, immaudinare, ispantai, isturdinare, stolondrai Sentences no mi ammachis cun su dinai, no mi stontonis su ciorbedhu! ◊ no bollu a mi stontonai sa conca ◊ m'iast donau unu cropu de matzoca a conca no m'iast a èssi stontonau aici! ◊ ohi, lessimí istai, no mi stontonit! Translations French assourdir, abasourdir English to amaze, to stun Spanish aturdir Italian sbalordire, stordire German verblüffen, betäuben.

«« Search again