abbétia , nf, nm: abbétiu, bétia Definition su istare abbetiandho, repicandho, sighindho a nàrrere una cosa mancari s'àteru niat chi nono o un'àtera cosa; su naturale de s'abbetiosu Synonyms e antonyms aputa, arraghèscia, arrepedhu, bicàcara, condierra, contumàcia, ghirta, profídia, reota, repitida, rochella, tostorrímine, tricata / abbogu / certu Sentences fiat nàscia un'abbétia tra issus po sciri chini fut su prus importanti ◊ sciat arrespundi a is abbétias de is Giudeus ◊ Pàulu iat fatu nasci un'abbétia manna tra is Fariseus e is Sadduceus (Atus)◊ totus, a s'abbétiu, allutànt is origas ◊ no fiat cumbintu de su chi dhi at nau e at sighiu s'abbétiu 2. sa libbertadi permitit a Pinóchiu de fai is contus cun is isbàglius, cun sa disubbidiéntzia, cun s'abbétia ◊ iat pigau s'abbétiu de narri ca fiat de aici Etymon srd. Translations French obstination, prise de bec English obstinacy, squabble Spanish testarudez, terquedad Italian caparbietà, ostinazióne, battibécco German Starrköpfigkeit, Wortstreit.

gherrabíga , nf: gherrapica Definition genia de gherra, gherrígiu a foedhos, cun abbétias Synonyms e antonyms abbétia, ghirta, reota, tiristratza Etymon srd. Translations French logomachie English logomachy Spanish logomaquia Italian logomachìa German Wortstreit, Wortgefecht.

tiristràtza , nm Definition tira e istratza, tira e tosta, nau prus che àteru in su sensu de murrúngiu, briga, su istare tirandho donniunu sa cosa a sa parte sua, s'arrexone sua Synonyms e antonyms atupetada, gherrabiga, repitida Sentences sa zente fit a su currente de su tiristratza de su marissallu chin sa sorre de su bandhiu Etymon srd. Translations French prise de bec English bickering Spanish discusión Italian battibécco German Wortstreit.

«« Search again