dobère , nm: dovere, doveri Definition sa cosa chi si depet fàere ca est giusta, sa chi andhat bene, bisòngiat, ca est de fàere, o ca est a óbbrigu; cosa de fàere, cosa de importu, giusta, chi andhat bene e po cussu bolet fata Synonyms e antonyms cumandhu Idioms csn: cumprire a su dovere = fai su doveri; fàghere una cosa a dovere = bene, comente si tocat; dovere de no pòdere transire = de fàghere assolutamente, cumandhu, óbbrigu de no ndhe pòdere fàghere a mancu Sentences custas cosas s'intendheus in dovere de dhas pònnere in iscritu po dhas lassare comment'e errichesa pruschetotu po is giòvonos ◊ nois semus in su dobere nostru ◊ deo como lu saldo in totu e in pertotu e gai cumpro a su dovere ◊ bae a fàghere su dovere! ◊ sa fémina finas chi no est isposada a doveri depit allogai totu! Translations French devoir English duty Spanish deber Italian dovére, incombènza German Pflicht, Verpflichtung.

impènza , nf Definition cosa o dovere de fàere Synonyms e antonyms dobere, impéica, impérciu, impreu Sentences so totu leadu de s'impenza de su laoronzu ◊ sos massàgios fint tandho in s'impenza de messeras e arzolas Translations French occupation English undertaking Spanish ocupación Italian occupazióne, impégno German Verpflichtung.

impígnu , nm: impinnu, impínniu Definition su impiciare in o a calecuna cosa, èssere ocupau faendho calecuna cosa; genia de decisione, impromissa de fàere o de pònnere contivígiu a fàere o a s'interessare de calecuna cosa Synonyms e antonyms impíciu, improminsa Idioms csn: fàghere una cosa a bell'impinnu = cun incuru mannu; pane de i. = pani de scèti chi si fait po impromissa a unu santu; bogaresiche o catzàresi s'impignu = muntènnere sa promissa, sa peràula (ctr. secare s'impinnu); puntillosu in sos impinnos = pertzisu, chi los muntenet, chi no fartat Sentences a bell'impinnu mezorendhe tancas, sas robbas chi solia pasculare 2. sos pisedhos sunt lestros a promítere, ma no si ammentant de si che bogare s'impignu ◊ su de èssere indhedha no podet secare s'impinnu de s'amore! Etymon srd. Translations French engagement English engagement, care Spanish empeño, compromiso Italian impégno German Verpflichtung.

óbbligu , nm: óbbricu, óbbrigu Definition cosa cumandhada, dovere, cosa chi si depet fàere (mescamente de genia burocràtica) Synonyms e antonyms cumandhu Idioms csn: fàghere una cosa a ó. = ca bi at chie la cumandhat; óbbligu li benit de...= fortzadu li benit de...; èssere o intèndheresi in ó. de… = sentire su dovere, su bisonzu de… Sentences candho àteru tribàgliu no ndhe teniat, s'óbbligu li beniat de leare calchi narvonedhu a si lu betare a trigu! ◊ no iat pensau a is óbbligus e a is motivus nóbbilis de su ministériu cosa sua Etymon itl. Translations French obligation English duty Spanish obligación, deber Italian òbbligo German Pflicht, Verpflichtung.

tarèa , nf Definition faina de cantidade determinada chi si giaet a fàere; iscopu, cosa o logu a ue si bolet lòmpere Synonyms e antonyms afainu, afare, berza, faina, impreu, òpera, trabàgiu Idioms csn: signalai sa t. = nàrrere ite si depet fàghere; fai sa t. = fàghere sa faina chi li ant postu a fàghere Sentences sa tarea nostra est de gherrare pro sos àteros puru ◊ sa prima tarea de su dotori est de allebiai su mali ◊ dh'iant obbligau a sa tarea de plantai matas (A.Purqueddu) Etymon spn. Translations French tâche, devoir, arrivée English task, goal Spanish tarea Italian cómpito, impégno, traguardo German Aufgabe, Verpflichtung, Ziel.

«« Search again