abbréngulu , nm Definition cosa chi si narat o chi si faet a s'àteru coment'e singiale de istima, de amore; cosa po giogare Synonyms e antonyms ammaghiúcuru, carigna, crochitzone, imbímbinu, losinga, marieta / abbrédhulu, ciogu, gioghitu Sentences cussa criatura leat s'abbréngulu 2. bellu abbréngulu s'atómica, mih, a isfàghere su mundhu!…◊ mirades cun cumpassione cudhu pitzinnu chi ispendhet in giogos e abbréngulos cudhu dinari chi diat pòdere ispèndhere in cosas útiles Etymon srd. Translations French caresse English caress Spanish caricia, mimo Italian carézza German Liebkosung.

carígna , nf, nm: carinna, carignu, caríngia, caríngiu, carínnia, carínniu, carinnu Definition ammostu o singiale de amore fatu in cunfidàntzia (a gente de domo, a is pipios, àteros): prus che àteru una tocada lébia, passada de manu in pitzu, in cara, a lébiu a lébiu, a allisadura Synonyms e antonyms abbréngulu, ammaghiúcuru, carenu, imbímbinu, losinga, marieta, pibia / carignamentu Sentences donamí unu carignu, su sposu miu! ◊ ti apo acollidu atzetendhe durcuras e carinnos ◊ babbu e mamma faghent pibios e carinnos a sos fizos ◊ cussa caríngia de bentu ti at fatu intrai su frius ◊ sos carignos ti siant beneitos! ◊ mai betes carignu a fémina trasulera! ◊ passat e torrat a passare sa manu coment'e carinnas in sa corda acadhighinada ◊ sa boxi de tziu Sadurru parit una carínnia candu fuedhat is bacas Etymon spn. cariño Translations French caresse English caress Spanish caricia Italian carézza German Liebkosung.

fiacadúra , nm Definition su fiacare, su pigare a unu a fiacas, a losingas, a frandhigos Synonyms e antonyms addengamentu Etymon srd. Translations French cajolerie English petting Spanish mimo, agasajo Italian coccolaménto German Liebkosung.

frandigadúra , nf: frannigadura Definition su frandhigare, su pigare a frandhigos Synonyms e antonyms frandhigu, losinga Sentences sa doma si cumentzat cun sa frandigadura de is animalis Etymon srd. Translations French action de caresser English caressing Spanish caricia Italian accarezzaménto German Liebkosen, Liebkosung.

ingríllu , nm Synonyms e antonyms frandhigu, losinga Sentences candu dhi at nau ita totu depiat fai, est torrada a is ingrillus e a is carignus, po dhu pòdiri indusi ◊ apu a messai ingrillus e prexu in tancas de luxi… Etymon srd. Translations French cajolerie, caresse English caress, simpering Spanish caricia Italian moina, carézza German Hätschelei, Liebkosung.

losínga , nf, nm: allusingu, losingu, lusinga, lusingu Definition su chi si narat o chi si faet a unu, mescamente a su minore, ammostandhodhi amore, delicadesa, pigandhodhu in bonas chentza dh'iscontroriare ma fintzes cricandho de dhu cumbínchere Synonyms e antonyms abbréngulu, carigna, fiaca, frandhigu, imbímbinu, marieta / arranguitzu / cdh. lisinga Sentences tocat a dhos leare a lusingu, faedhànnelos a sa bona ◊ calma e passéntzia cun fiza bostra, ca pro custas cosas bi cheret lusingu! ◊ iscaminadora e dannarza, cussa est sa lusinga in pessone! ◊ a su cadhu fuit nànneli peràulas de lusingu ◊ su piciochedhu seu pighendidhu a losingus ca bollu chi torrit a iscola ◊ a bortas bi cherent sos corpos e no sas losingas! ◊ a Bovore l'at tentadu chin sas losingas, chin sas allegas e chin sas làgrimas candho at pigadu sa detzisione de partire a su disterru Etymon itl. lusinga Translations French cajolerie English simpering Spanish zalamería Italian moina German Liebkosung, Hätschelei.

«« Search again