Ditzionàriu in línia
de sa limba e de sa cultura sarda

crarèsa , nf: giaresa Definition su èssere craru, ladinu, límpiu, de calecuna cosa o chistione, de unu fàere chi si cumprendhet luego Synonyms e antonyms craridadi Sentences su Butzinu nudha timet prus de sa craresa de un'ànima neta ◊ issu bidiat sa gherra e sa maladia che fatos de natura chin sa craresa chi custa depet àere (G.Piga)◊ tramperi ispuntroxau, Malacoi arrennesciat a annurrai sa craresa prus luxenti (E.Sanna/M.B.Lai) Etymon srd. Translations French clarté English clearness Spanish claridad Italian chiarézza German Klarheit.

giaría , nf Definition su èssere craru, su dhue àere o fàere lughe meda, nau fintzes de su lúghere de unu logu, de una faina Synonyms e antonyms giaresa, giarura, lucura | ctr. iscuricore Sentences serra e piana ti dant tribbulia, a suore t'ispremit sa matzola, ma sa butega est tota una giaria (P.Casu)◊ sa giaria de su sole e de sas istellas ◊ s'idiat a levante una lugura fatu fatu andhendhe in aumentu in mannesa, in giaria e in bellura (P.Sulis) Translations French lueur, luminosité English brilliancy Spanish claridad, luminosidad Italian chiaróre, luminosità German Helligkeit, Klarheit.

nidòri , nm: niroi, nitore Definition biancura, su èssere biancu nidu Synonyms e antonyms biancore, biancura, candhidesa, nidesa Etymon srd. Translations French pureté English brightness Spanish nitidez Italian nitóre German Klarheit.