abbilidàde, abbilidàdi , nf Definition capacidade de fàere cosa, trebballu o àteru chi siat Synonyms e antonyms abbiléncia, abbilesa, abbistesa, impita, intiga Sentences po s’abbilidade de imparare e allegare una limba serbit sa grammàtica universale, ma peri s’esperiénsia limbística Etymon spn. Translations French habileté English capability Spanish habilidad Italian abilità German Geschicklichkeit.

abbrétiu , nm: abbrítiu, abrítiu, arvítziu Definition abbilesa, fortza, prus che àteru in su sensu de si pònnere a fàere, de no si ndhe asseliare de is cosas Synonyms e antonyms abbríchiu, abreu / ardúriu, balia, bidória Sentences sa sorte mi at dadu sos abbrítios de connòschere su bonu e su malu ◊ cussu no tenit abbrítiu nudha ◊ no est un'abbrítiu mannu a iscúdere unu pitzinnu! ◊ si unu cani atopat unu gatu, su primu abrítiu est de dh'afracai ◊ innanti de mòvere a su monte pigant s’arvítziu de fàiri unu pràngiu ◊ is macus non tenint s’abbrítiu de portai unu sodhu a domu Translations French capacité English ability, talent Spanish habilidad Italian capacità, ingégno German Geschicklichkeit, Geist.

capacidàde, capacidàdi , nf: capassidadi, capatzidade Definition sa calidade chi si tenet de fàere, de arrennèscere, de àere un'arresurtau bonu Synonyms e antonyms abbiléncia, abbilesa, abbilidade, abbistesa, intiga Sentences Antoni tenet sa capatzidade de sonare no solu sa chiterra ◊ de unu giòvanu cojendhe si abbàidat totu, benes, tribàgliu, volontade, capatzidades, caràtere e víscios ◊ sa gara aiat sa capatzidade de fagher recuire a piata tota sa bidha ◊ sa capacidadi e sa gana bona chi issu teniat de istudiai dh'iant giau unu bellu addotrinamentu ◊ issu tenit sa capassidadi de amministrai bèni Translations French capacité, aptitude English ability Spanish capacidad Italian capacità German Geschicklichkeit.

mestiéri , nm Definition abbilesa, capacidade pràtiga de fàere bene calecunu trebballu Synonyms e antonyms alte Sentences isculta sos consizos e impita su mestieri chi tenes in manu ◊ s'ómine cantadore 'e mestieri, narat su díciu, morit pedidore! (Còntene)◊ iat provau totu is mistieris e no ndi dh'iat pràgiu mancunu Translations French mêtier English job Spanish experiencia, práctica Italian mestière German Fertigkeit, Geschicklichkeit.

«« Search again