bollúzu , nm: abbuluzu, bullizu, bulluju, bulluzu, bulútziu, buluzu Definition morigamentu de cosa, de ideas, de sentidos, de gente, nau in su sensu siat de intrullamentu, de cosa betada a tréulu (o chi deasi paret), e siat de avolotu / abba bulluja = avolotada, trulla Synonyms e antonyms abbatúliu, abbolotu, burdellu, mamudinu, pilissu, sciumbullu, trambullu, tregollu / trullesa Sentences candho nche ant istutatu sas luches, su palcu in piatza fit totu unu bulútziu niedhu ◊ sa rafineria est totu unu bulútziu de tubbos intorticatos ◊ s'intendhet su chimentu de sas maretadas de su mare in bulluzu 2. li at postu in corpus unu bulluzu secretu chi no li daet pasu ◊ su coro est in bullizu ca so torrandhe a sa terra nadia (G.Cheri) Surnames and Proverbs smb: (Buluggiu) Etymon srd. Translations French turbidité English turbidness Spanish turbidez Italian torbidézza German Trübheit.

bulígiu , nm: abbulizu* Definition murigamentu de cosa chi, po cussu, no est prus límpia Synonyms e antonyms abbatúliu, abbolotu, abbuluzu, agiolotu, pilissu, sciumbullu, sculumerdu, seguzu, stragambullu, studugu, subuzu, tifitanu, trambullu, tregollu Translations French turbidité English turbidity Spanish turbidez Italian torbidézza German Trübung, Trübheit.

trambúllu , nm: trambúgliu, trumbullu Definition su trumbullai, murigamentu de cosas, fintzes in su sensu de avolotare, fàere de no si pòdere bíere bene; fintzes boghes, moida e tzàcurros o cropos a meda Synonyms e antonyms abbatúliu, abbolotu, atrepógliu, baraundha, murísima, pilissu, sciumbullu, stragambullu, subuzu, suluvertu, tregollu, trepollu / trullesa | ctr. assébiu Sentences mi abbaideit cun d-una ograda isagherada chi mi at postu in trambullu 2. sa boxi ndi essiat arrembombendu de mesu de unu trumbullu de àtaras boxis chi pariant is boxis de totu sa genti de su mundu Etymon srd. Translations French turbidité, pagaille, vacarme English turbidity, mess, bustle Spanish turbidez, confusión, ruido Italian torbidézza, scompìglio, chiasso, fracasso German Trübe, Verwirrung, Lärm.

«« Search again