istrambécu , agt: istrembecu, strambecu Definition nau de ccn., chi est de ideas e cumportamentos pagu aderetzaos, pagu giustos, no solu diferentes de comente si costumat ma chentza un'arrexone bene cunsiderada / a s'istrembeca = male, comente faghet un'istrambecu Synonyms e antonyms ildeoltu, isambesciadu, istrambocu, istrambóticu, sciambrecu, strólicu / stramballau Sentences est prenu de criaduras chi a sa lughe de su súlfaru cumparent feas e istrambecas ◊ un'ispíritu intràt in su corpus de sa persone e dhi faiat fàere cosas istrambecas ◊ sderrigau in s'arrosu ti agatint… ge ses istrambecu bellu!… 2. medas ischescint sa limba sarda bèni fuedhada po allegai a s’istrembeca cussa italiana Translations French étrange, gauche English clumsy, queer Spanish estrafalario Italian gòffo, strano German plump, seltsam.

strambécu , agt: istrambecu* Definition nau de ccn., chi est de ideas e de cumportamentos pagu aderetzaos, pagu giustos, no solu diferentes de comente si costumat ma chentza un'arrexone bene cunsiderada Synonyms e antonyms ildeoltu, isambesciadu, istrambóticu, levianu, sciambrecu, strólicu Sentences ma lah ca est strambeca, cussa puru, fata a filla! ◊ ma càstia ita ómini strambecu e arrevésciu!…◊ fiat totu ispantau po cussa pentzada strambeca ◊ gei nci nd'at de nòminis strambecus!…◊ ómini strambecu, una borta at fatu fumai su pipiu a zigarru ◊ cussa est genti strambeca acanta meda a su machiori Scientific Terminology ntl Translations French drôle, extravagant English queer Spanish estrafalario Italian strano, strambo, stravagante German seltsam, verstiegen, extravagant.

strólicu , agt, nm: istrólicu*, stróllicu, stróligu, strólogu Definition chi o chie faet istrolichéntzias, isciolórios, cosighedhas no tanti giustas, unu pagu istranas Synonyms e antonyms arratzosu, astrólicu, giólvinu, illeriadu, istrambóticu, sciàpidu, stavellau, strambecu Sentences stróllicu est chi ses: no as a bolli nai ca is findeus funt lègius! ◊ strollichedhu ses: tanti funt abbituaus dógnia dí a su regalu!… Translations French bizarre English eccentric Spanish extraño, estrafalario Italian strano, stravagante German seltsam, extravagant.

«« Search again