lucòre , nm: lugoi, lugore, lugori, luxori Definition lughe prus che àteru paga, bàscia, débbile, mescamente de sa Luna o de is istedhos, fintzes de su Sole apustis intrau, iscurigandho; in cobertantza, fintzes miglioria, su àere benes, interessu, in cantu est cosa chi si biet, chi lughet / betare, ghetare l. Synonyms e antonyms giaria, luchidore, lughia / abantzamentu, richesa | ctr. iscuricore, iscuru / poberesa Sentences sos seros si faghiant fainas a lugore de fogu ◊ seus pischendi mumungioni a lugori! ◊ a lucore de Luna che apo bidu tres pubas ◊ intro meu che zuto su lugore de mizas de istedhos de s'aera ◊ pro piedade, fàghemi lugore in cust'adhe! ◊ custu est lugori de sa Luna ◊ in d-una noti de lugori mannu iat portau su tallu a monti ◊ s'oro betat lucores de… oro! 2. catzat sàmbene su póveru e suore, e su ricu nachi est sou su lugore! Etymon ltn. lucore(m) Translations French lueur, clarté English glimmer Spanish claridad Italian chiaróre, splendóre German Schimmer.

lucúra , nf: lugura Definition su dhue àere o betare lughe, giare lughe / l. de istedhos = lugore Synonyms e antonyms giaria, luchidore, lucore, lughia / cdh. luciura Sentences fit die iscurosa e metzana, ma su sole mustresit totu sa lugura sua candho ti ant postu in sa losa ◊ sa poesia at ispartu rajos de lugura in Sardigna ◊ in tantu iscuru ant betadu lucura ◊ sighi costante s'istiga segura de s'arte antiga nóbbile e serena chi ghiat sola a portos de lugura (P.Casu)◊ su sole dae ora ch'est colcadu, sas istellas no ana prus lucura (P.Cabras)◊ acò chi mi passat in sa mente che unu lampu de lugura su comintzu de sa vida! Etymon srd. Translations French luminosité, splendeur English brightness Spanish luminosidad Italian luminosità, splendóre German Helligkeit, Glanz.

«« Search again