chígiu , nm: chillu 1, chizu, ghizu Definition su tretu de su concale de s'ogu, nau prus po is pilos chi no po s'ossu: si narat fintzes de totu sa cara; chizos fintzes po crebedhos, fronte Synonyms e antonyms cígiu, crilta / cdh. chíciu Idioms csn: istare a manos in chizos = istai in pentzus, in pidinu; bisonzu a chizos = meda, mannu; chizi giobadu = chi zughet sos chizos totu a unu; chizi umbrosu = chi zughet sos chizos bassos; bideresila fintzas a chizos = èssere in arriscu malu; no si movet nen foza nen chizu = no si bi faghet perunu movimentu, no si moet nudha; chizilopau = chi portat is chígios totu a unu Sentences Sardigna mia, sos pesantes chizos pesa e mira badhes e pianos pro chi allestru si averent sos disizos (A.Casula)◊ mamma cun s'isciallu faladu subra de chizos pianghet e pregat, poberita ◊ corpu de balla dhi seghet is chígios!◊ is féminas sunt sérias, cun su muncadore betau in chígios 2. inoghe su bisonzu ch'est a chizos: sa zente depet partire a s'èstero! Surnames and Proverbs prb: ómine chizi bàsciu, ómine traitore Scientific Terminology crn Etymon ltn. cilium Translations French sourcil English eyebrow Spanish ceja Italian sopraccìglio German Augenbraue.

cígiu , nm: cillu, cixu Definition su tretu de su concale de s'ogu, nau prus po is pilos chi no po s'ossu Synonyms e antonyms chígiu*, crilta / oru Idioms csn: su cillu de su surcu = cilloni, crista, su tretu ue sa terra abbarrat prus in artu; no calai cillu = abarrai in faci, a cara arta; portai s'ogu prus mannu de su cillu = èssere ogrianu, chèrrere tropu; in d-una furriada de cillu = in d-unu sinnu Sentences castiendimia cun cudhus cillus longus m'iat fatu a cumprendi chi mi ndi depia pesai ◊ arrespundit sena de movi cillu ◊ no artzis s'ogu prus de su cillu! ◊ at artziau is cillus po s'ispantu 2. in d-una furriada de cillu su fogu in manus de su bentu abbruxat ebra e matedu Scientific Terminology crn Translations French cil English eyebrow Spanish ceja Italian sopraccìglio German Augenbraue.

crílta , nf: crista, grista, rista 1 Definition tretu o oru prus in artu, ma mescamente su concale de s'ogu, is pilos de su concale de s'ogu; su bancu de is surcos; sa petza de sa pubusa de su porcu cota e cufetada; atza de monte; sa bisura de sa cara Synonyms e antonyms assa 1, ispuntone 1, punta / chichirista, chígiu, cocorosta / aerzu, bisura Idioms csn: artziare de cristas = artziai sa faci, is ogus (fintzes fendi atentzioni po arrespetu a ccn.); fàghere malas cristas = intristaisí, annugiaisí; èssere de mala c. = èssiri de bisura lègia; sas cristas de sos àrvores = sas puntas, sas chimas Sentences su sole si ch'est frantu a crista bàscia: in s'aera tempestosa si respirat s'alenu de sa dilgràscia 2. dae su balcone de domo si bident sas cristas de Sos Sete Frades ◊ fit abboghinendhe subra de sas cristas de su monte ◊ pramutza, totorógiu e cambigana bi ndhe at in donzi crista de andhamenta ◊ no si bidet de nue una crista (P.Mura) 3. arratza de crista chi zughet: eite si ti ponet manu!…◊ est ladinu a sa crista chi istat male! Scientific Terminology crn Etymon ltn. crista Translations French sourcil English eyebrow Spanish ceja Italian sopraccìglio German Augenbraue.

«« Search again