Ditzionàriu in línia
de sa limba e de sa cultura sarda

peíderu, peídre, peídru , nm: píderu, praidi, preídaru, preídelu, preíderu, preidu, preíteru, príderu, prídidu, prídiru, príteru Definition ómine chi in sa religione católica si cunsacrat a Deus e arrecit su sacramentu de s'órdine e su cumandhu de su píscamu, amministrat unos cantu sacramentos, narat sa Missa e contivígiat (po su prus) una parróchia / min. preideredhu Synonyms e antonyms prede, prídile Idioms csn: preíderu so e missa canto = dèu fatzu su chi mi anti postu a fai, custu est su doveri miu e donniunu si arrangit!; p. isconciau, isciusciau = chi no fait prus su predi; ancu li faedhent su peíderu! (frastimu) = ancu siat gravi morendusí de dhi depi tzerriai su predi! Sentences chéjia minore, ma bi ant unu bonu peíderu ◊ bi fit su pride chin su zacanedhu armau de pualedhu prenu de abbasanta ◊ su pride at batizau sas criaduras ◊ unu preide no depet crere a is lucuras ◊ tiu Bachis a pisedhu si che fit andhendhe a preíderu 2. castiai, dèu ni predi seu e ni missa cantu! Scientific Terminology prdc Etymon ltn. praebyter Translations French prêtre English priest Spanish cura, sacerdote Italian prète, sacerdòte German Priester.

prède , nm: predi, prédie, préide, préidi, préire, preri, pride Definition ómine chi in sa religione católica si cunsacrat a Deus e arrecit su sacramentu (de s'órdine) e su cumandhu de su píscamu, amministrat unos cantu sacramentos, narat sa Missa e contivígiat (po su prus) una parróchia / min. preidedhu Synonyms e antonyms peíderu Idioms csn: andai o bènniri a ispollai su predi = andhare a cosa fata, bènnere a úrtimu, candho est totu agabbadu (candu su predi est ispollendusí ca at acabbau sa Missa) Sentences pride Tica at fatu sa préica ◊ non c'est che su predi po ndi bogai càbudu a dónnia cosa ◊ issu est predi ma dèu dhi fatzu una brulla de para! ◊ su predi fiat unu grandu predicadori ◊ menzus a tímede a su préide chi no a su crabbineri! ◊ ite ndhe at a ischire unu predi de sas féminas? ◊ sunt istudiandhe su fizu minore a pride Scientific Terminology prdc Etymon itl. preite Translations French prêtre English priest Spanish cura, sacerdote Italian prète, sacerdòte German Priester.