acajólu , nm: acajou, arcajolu Definition coment'e una fentanedha fata in is muros grussos, aperta a una parte, ananti, coment'e unu níciu, fintzes cun tàula a metade, a manera de dhue pòdere pònnere o arrimare ccn. cosa Synonyms e antonyms camaritu, colomberi, fenesta, macarina, muricone 2. iscruculla is arcajolus de s'ómini e as agatai sa beridadi de sa vida Scientific Terminology dmo Etymon srd. Translations French débarras English receptable, storeroom Spanish espacio empotrado en la pared para guardar algo Italian ricettàcolo, ripostìglio German Abstellnische, Wandschränkchen.

apartadítzu , nm Definition loghighedhu ue faet a pònnere o arrimare calecuna cosa Synonyms e antonyms abburgadorzu, garrapiu, lóbiu, tzibbotu Sentences custos pisedhos istant in apartaditzos chena sole Scientific Terminology dmo Translations French débarras English storeroom Spanish trastero Italian ripostìglio German Abstellraum.

caramòto , nm Definition genia de armàdiu in su muru a dhue arrimare cosa (a logos fintzes buidu asuta de iscala) Synonyms e antonyms càmara, camaritu / culumberi Sentences in su caramoto sas provistas fint sempre a mischinzu ca s'incunza fit romasa Scientific Terminology dmo Etymon srd. Translations French débarras English storeroom Spanish trastero Italian ripostìglio German Abstellraum.

colombéri , nm: columberi, culumberi, cumboberi, cumboreri, cumbuleri, cummoberi Definition genia de armadiedhu lassau in su muru po pònnere calecuna cosa (mescamente acanta a sa forredha); su buidu chi lassant in is muros – a bortas – candho ndhe leant su ponte; istampu mannu in is muros, in orrocas, buidedhu chi dhue faent su nidu is culumbos o, si est a paris de terra, genia de cundhutu asuta de muru po passare abba Synonyms e antonyms abburgadorzu, acajolu, camaritu, fenesta, macarina, percolu Sentences candho essis lassa sa crae in su culumberi! ◊ chie iscultat in columberi de muru iscultat male anzenu e sou puru ◊ in sas cumbessias sas bentanedhas pariant culumberis ◊ ponimus sos luminos in su culumberi de su furru ◊ at postu sa cafetera in su cumboberi tupau cun sa tendhina 2. custu muru est totu a culumberis de cantu est male fatu ◊ connoschet donzi culumberi inuve s'impercant sas cosas pérditas ◊ eis biu cussus colomberis me in s'arroca: in cussus istampus dhui biviant feminedhas chi tessiant a tralàrgiu de òru… Etymon ctl. colomer Translations French placard English small room Spanish alacena Italian pìccolo vano, ripostìglio nei muri German Abstellraum.

«« Search again