allichidíe , vrb: allichidire, allichidiri, allichiriri, allighidire, lichidiri Definition muntènnere límpiu, pònnere apostu su logu, sa domo; rfl. cambiare bestimentu, pònnere bestimentu límpiu, bellu, mudare; a logos dhu narant de sa fémina chi faet su fedu Synonyms e antonyms addirire 1, arremonire, assetiai, cuncordai, illichidire, iserrinire / tramudai / iglierare, insinnigare, iscendiai | ctr. acadhotzai, imbratare Idioms csn: allichidire sos contos = fàere is contos; allichidíresi de calicuna cosa = pònnere apostu, lassare apostu sa cosa Sentences nosu innòi nci seus po isfrigociai, mundai e allichidiri su logu ◊ benit, prandit, allichidit su logu e si ndi andat ◊ dèu allichidu e tui tréuas! 2. sa bròscia si dha poniant is féminas in pithu de su pannu de petus ◊ allichidint su letu cun is mantas prus bellas po erriciri is istràngius 3. sa fémina mia si est allichidia, at tentu unu maschixedhu Etymon srd. Translations French nettoyer English to tidy up, to clear Spanish arreglar, ordenar Italian assettare, far pulizìa German aufräumen.

allichíru , nm Definition su allichidiri Synonyms e antonyms allichidimentu, allichidóngiu, remonimentu Etymon srd. Translations French nettoyage, rangement English cleaning, good order Spanish limpieza, aseo Italian pulizìa, assètto German Sauberkeit, Ordnung.

netèsa , nf Definition su èssere o abbarrare netu, límpios Synonyms e antonyms limpidore, pulidesa | ctr. brutesa Sentences tocat a pessare a sa netesa de sas manos innantis de manigare Etymon srd. Translations French propreté English cleaning Spanish limpieza Italian pulizìa German Sauberkeit.

pulidèsa , nf Definition su èssere límpiu / nàrriri sa cosa o fuedhai in p. = in cobertantza, cun àteras peràulas Synonyms e antonyms limpidesa, limpidore, netesa | ctr. brutore Sentences sa pulidesa piaghet a ognune 2. a su bassinu, po dhu nai in pulidesa, dhi narant "su cavaglieri" Etymon srd. Translations French propreté English cleanness Spanish limpieza Italian pulizìa German Reinlichkeit, Sauberkeit.

«« Search again