Ditzionàriu in línia
de sa limba e de sa cultura sarda

làma , nf, nm: allàmia, làmia 1, lamma, làmmia, lamu, liama Definition pígiu fine de metallu; istrégiu fatu de materiale deasi (mescamente mannu po late, fintzes po múrghere); istrégiu largu, ladu, a costaos bàscios po còere cosa in su forru; segundhu sa ferramenta, sa parte cun s'atza Synonyms e antonyms allàinu, gliàuna, lamiera / allama, bote, bidone, lamedha, lammione, trutera / frama 1 Sentences bai e betindi cussa tassa de liama! ◊ unu bote de làmia li fachiat de fumajolu 2. mulghiat e garrigaiat su cadhu cun sas lamas de su late ◊ sos pastores beniant a casifítziu cun sas lamas de su late ◊ fuint che canes chi lis ant presu lamas a sa coa ◊ sa zente est lotendhe cun lamos de abba ca su fogu est brujendhe totu 3. amus fatu deghe lamas de biscotos Etymon itl. lama Translations French fer-blanc, bidon English tin, thin plate Spanish lámina, hoja, hojalata, fuente Italian latta, làmina, téglia German Blech, Folie, Backform.

plàca , nf: praca Definition pedra lada, ma prus che àteru pígiu o tira de materiale chi, fatu abbrigare in su fogu in mesu de duos pígios de ferru, serbit po dhos sardare; pígiu de cosa fine chi si ponet apitzu de àteru materiale po essire prus bellu o prus forte Surnames and Proverbs smb: Pracca Etymon spn. placa Translations French plaque, lame English thin plate Spanish lámina, hoja Italian làmina, placca German Blatt, Folie, Lamelle, Platte.