fingídu , agt: fingiu Definition chi costumat a fàere is fintas, a ingannare Synonyms e antonyms caratzanu, dispintadore, falsu, fingidore, finteri, fintu, tramposu | ctr. francu, ispontziau, sentzígliu Sentences candho mi miraias creia chi mi amaias e imbetzes fis fingida ◊ no soi fingia, su giustu ti naru! ◊ cun fingidu pretestu mi at a dare unu carignu ma est pro mi arrestare Scientific Terminology ntl Translations French trompeur, hypocrite English deceiving, hypocrite Spanish engañador, hipócrita Italian ingannatóre, ipòcrita German trügerisch, heuchlerisch.

incatramadòre, incatramadòri , agt, nm Definition chi o chie leat s'àteru a ingannu Synonyms e antonyms afrascadore, arrebuseri, fraitzu, imbodhiosu, imbusteri, inganneri, tramperi, tramposu, trasseri Etymon srd. Translations French trompeur English deceptive, deceiver Spanish engañador Italian ingannatóre German Betrüger.

ingannadòre, ingannadòri , agt, nm Definition chi o chie faet ingannos Synonyms e antonyms aciseri, incatramu, inganneri, inganniosu / dimóniu Sentences custu ingannadore induit a s'errore mannos e pitzinnos ◊ no bos intzeghet sa chimera ingannadora de faltzos profetas pagados dai manu furistera! ◊ una, male pro me, ndhe apo istimadu cretendhe chi no fit ingannadora Surnames and Proverbs prb: s'ingannu torrat a s'ingannadore Etymon srd. Translations French trompeur English cheat, deceiving Spanish engañador Italian ingannatóre, seduttóre German Betrüger, Verführer.

ingannéri , agt, nm Definition chi o chie costumat a ingannare Synonyms e antonyms afrascadore, arrebuseri, fraitzu, imbusteri, ingabberi, inganniosu, ingregheri, maltariosu, mànghinu, mariolu, tramperi, trasseri | ctr. sentzillu Sentences sentz'e nisciuna istima, coru fartzu, inganneri, mi as amau po finta! ◊ ses andhendhe cun sussos dimónios inganneris! Scientific Terminology ntl Etymon srd. Translations French trompeur English deceiver, deceitful Spanish engañador Italian ingannatóre, ingannévole German trügerisch, Betrüger.

mascangànnu , nm: maschinganna, maschingannu Definition mascu de ingannu, genia de mostru (pegus naschiu istrupiau), su dimóniu; fintzes una genia de móvia o chinnida chi trampat a chie est in crica de aciapare a un'àteru Synonyms e antonyms immostre, mastringannu, mostre / demóniu Idioms csn: leare a unu a maschingannu = trampare, leare s'àteru cun iscusas a ingannu; maschinganna (morisca) = marighedha de carrúciu, morisca créschida in mesu de sa tàula Sentences abba e aera sunt pienos de àligas e ferenos, essint maladias noas, sos pegos aultint o anzant mascangannos ◊ unu pastore una note at biu una grannu colunna altzannosi de terra e at pentzau ca cussu fiat Maschinganna ◊ su maschinganna essit in figura de mascu de brebè, de boe niedhu… Translations French trompeur English deceiver, deceiving move, dribbling Spanish engañador, movimiento engañador Italian ingannatóre, mòssa ingannatrice German Betrüger, Finte.

trampanéri , nm Definition chie acostumat a fàere tràmpanas, a trampare, nàrrere fàulas Synonyms e antonyms trampanudu, tramperi, tramposu Sentences est in istadu malu totu pro curpa de sos trampaneris ◊ oe s'est atoscadu s'ambiente e trampaneris cun diplomas mannos cosas istranas s'ant fissadu in mente (R.Casula)◊ at a èssi cosa chi narat s'amigu trampaneri po bantaxeria! ◊ dèu dh'apu arróscia custa genti trampanera! Translations French trompeur, escroc English cheater Spanish tramposo Italian ingannatóre, truffatóre German Betrüger.

trampéri , agt, nm Definition chi o chie acostumat a cuncordare tramperias, trampas Synonyms e antonyms afrascadore, arrebuseri, fraitzu, imbodhiosu, imbusteri, inganneri, maciapaneri, mànghinu, tramposu, trampuceri, trobedheri Sentences tramperi chi no ses àteru! ◊ su grodhe est un'animale tramperi Scientific Terminology ntl Translations French d'escroc, trompeur English conman Spanish tramposo Italian truffaldino, ingannatóre German betrügerisch, Betrüger.

«« Search again