dechídu, déchidu , agt: déchitu, dechiu Definition bellu, bene fatu de pràghere meda, nau mescamente de sa persona / arrejonare a d. = bene Synonyms e antonyms bedhu, donosu, galanu Sentences de unu lizu dechidu ammiro sas perlas raras: a s'iscanzada de sas laras de sole paret bestidu (A.Dettori)◊ fissa m'istas in ojos che una rosa sa piús frisca, sa piús dechida ◊ cun su coro ti miresi ca fis dechida e donosa ◊ columba mea dechida, parma mea istimada! ◊ Mariànghela est déchida: no ndhe at, de chintu ◊ est una pessone déchita e de remeju 2. mi rispondhet cun boghe dechida a sa dimandha chi fatu li aia Etymon srd. Translations French séduisant, joli English charming, pretty Spanish atractivo Italian avvenènte, grazióso German anmutig, zierlich, fein, schön.

dechíle , agt: deghile Definition chi deghet, chi istat bene meda, chi est bellu, chi si adatat bene / fatu a deghile = bene meda, perfetu, in sa manera addata Synonyms e antonyms addechidu, addeghíbbile, déchidu, dechívile / adatu | ctr. feu, légiu Sentences fit un'artejanu de bravura nódida, de zéniu deghile ◊ est deghile a sos fizos pro onorare sa mama ◊ apant sos regualdos chi a persones de tanta impoltàntzia sunt deghiles 2. faedhu deghile li essiat de lara a s'iscanzada (A.Dettori) Etymon srd. Translations French joli, gracieux English pretty, handsome, decent Spanish bonito Italian grazióso, aggraziato, decènte, cònsono German schön, anmutig, graziös.

donósu , agt Definition chi tenet donos meda, pruschetotu in bellesa Synonyms e antonyms déchidu, galanu / cdh. dunosu Sentences candho mi as fatu innamorare fist donosa che una fada ◊ sento cantu manna e santa est s'òpera mia úmile e donosa preparendhe a sa vida fatigosa de s'ómine sa débbile pianta (A.Casula)◊ tue in su rampu donosa mustras su tratu galanu ◊ cun su coro ti miresi ca fis dechida e donosa ◊ no pràngiast, maurredhina donosa, po sa malasorti! (E.Spiga) Etymon spn. Translations French séduisant, joli English pretty Spanish donoso Italian avvenènte, grazióso German hübsch.

geniósu , agt: zeniosu Definition chi andhat a géniu, chi praghet meda po calecunu bellu donu, bella calidade (su naturale, s'índula)/ èssere geniosu de ccn. = àere géniu pro ccn. Synonyms e antonyms garbosu, grasciosu, ispàsticu / ttrs. giniosu | ctr. irgeniadu Sentences l'isco chi chie at gràscia est geniosu! (Z.Zazzu)◊ cussas cantones sunt tantu geniosas chi no bei at dinaris chi las paghent ◊ s'ómine cricat de iscusare su naturale de sa picioca, ma orróschiu de is modos pagu geniosos de issa dha frastimat issu puru ◊ cussu calavau, mangallu, pagu geniosu… parit un'ispraberi a olleras!◊ sa magioledha fut lúghida coment'e s'isprigu, maseda, geniosa, e dha boliat a cómpuru gente meda 2. como su giòvonu est richiamadu, ma candho torrat, chi tue ndhe ses geniosa, torraus paris po sa paràula Scientific Terminology ntl Etymon itl. ingegnoso Translations French sympathique, gracieux, joli English nice, pretty Spanish simpático, bonito, gracioso Italian simpàtico, grazióso German sympathisch, hübsch, nett, lieblich.

«« Search again