búfu , nm Definition dépidu, dépidu malu a torrare Synonyms e antonyms dépidu, fidu Idioms csn: bèndhere, comporare a b., in b. = a dépidu, a fidu; pònnere, fàghere bufos = pònnere dépidos; èssere gàrrigu de bufos = indepidadu meda; andai totu in bufu = andhare in fumu, pérdidu Sentences si no ant dinari, de sa cosa mia a bufu no ndhe lis dao! ◊ a mòrrere e a pacare sos bufos bi at sempre tempus! ◊ bi at tzente astrinta e tzente ispennijola pronta a pònnere bufos ◊ mi at dassau chin binti milliones de bufu de torrare a sas bancas Etymon itl. buffi Translations French dette, crédit English debt, credit Spanish deuda Italian débito, crédito German Schuld, Kredit.

chidàre , vrb: chitai, chitare, cuitare 1 Definition fàere a paris unu dépidu, unu giogu, pagare; pagare su de s'afitu de is pàsculos Synonyms e antonyms chitire, ischitare, pagai / cumprire Idioms csn: chidare, chitare una promissa = cumprire una promissa fata; chitare sas dies = bochire, finire sas dies Sentences babbu at trabballau sentza reposu pro che chitare sas pasturas anzenas ◊ mancari chi s'addobbent a su muru no lu chitant su dépidu! ◊ custu dépidu volet chitau 2. sont annatos a sa festa de santu Gòsomo e Damianu a si chitare sa promissa ◊ s'istade si ch'est passadu sentza chitare sa promissa chi aias fatu ◊ bae e faghe beneíghere su pane chi amus fatu pro chidare sa promissa! Translations French quittancer English to pay debts Spanish saldar, liquidar Italian pareggiare, far quietanza, pagare un débito German begleichen.

dépidu , pps, nm: dépiru, dépitu Definition de dèpere; dinare o àteru chi si depet a ccn. (in custu sensu fintzes upm)/ a/c. dépiu pps. a sa campidanesa mescamente in poesia dhu narant fintzes in su sensu de pótidu/pótziu Synonyms e antonyms dévidu / gépidu Idioms csn: pònnere d. = comporare a dépidu, fàghere a dépidu; tiràrendhe unu d. = arrennèsciri a si dhu fai pagai; ischitire unu d. = pagàrelu, catzàresi su d.; dare o leare a d. = a fidu; èssiri malu, légiu, chei su d. = malu, feu meda Sentences so dépidu andhare deo a fàghere sa cosa ca no l'as fata tue ◊ l'at dépidu nàrrere a su cumpanzu si li daiat una manu de azudu ◊ at dépiu bufare una cíchera de cafeo ◊ si funt dépirus cojai a sa lestra 2. dépidos no ndhe ponzo, ca sunt che gutiu intro de muru ◊ malu a pagare, lampu: no ndhe li poto tirare su dépidu! ◊ biviant chene anneos e ne dévitos ◊ cun s'incunza chi fato mi che bogo sos dépidos ◊ a dépidu no ti daent nudha ◊ ant fatu sas cosas in mannu e si sunt barriados de dépidos ◊ su dépidu si depet torrare!◊ cussu est càrrigu de dépiru! 3. cussu no si abbarrat in dépidu: si ndhe lis faghes, de bene, za si ndhe ammentat Surnames and Proverbs prb: dépidu no prúdicat Translations French dette English debt Spanish deuda (f), debido Italian débito German zustehend, schuldig, Schuld.

fídu , nm: firu Definition fide chi si giaet a unu chi no portat dinare in su mamentu chi est comporandho / donai, pigai, comporai, bèndiri (e fintzas trabballai) a fidu = dare a impréstidu, comporare, bèndhere a dépidu, a bufu, a créntia Synonyms e antonyms dépidu, impréstidu Sentences candu mai a unu arricu che a tui no dhi donant sa cosa a firu?! Etymon itl. fido Translations French dette, crédit English debt, credit Spanish crédito Italian débito, crédito German Kredit.

«« Search again