acínnidu , nm: acinnu, atzinnu Definition genia de móvia chi si faet mescamente cun s'ogu o cun sa manu, sa conca, coment’e bolendho nàrrere o inditare calecuna cosa; acinnu est fintzes sa lampada de is lampos atesu chentza chi s'intendhat su tronu Synonyms e antonyms acinnira, ammiada, chinnida, cinnu / lampada Sentences no mi fetas atzinnos ca no isco a tzinnare ◊ dhi fait acínnidu cun su didu a su sartitzu apicau Etymon srd. Translations French signe, cligner de l'oeil English nod, wink Spanish ademán, seña Italian cénno, accénno German Zeichen, Wink.

ammiàda , nf: armiada, miada Definition su ammiare, genia de abbaidada fintzes fata cun severidade, coment’e ammeletzu Synonyms e antonyms acínnidu, manigiada, móvida, ocrada Sentences mi bastabat solu un'ammiada, un'ingrisada de babbu pro mi pònnere in trassa! ◊ apenas ti bidesi s'ammiada mi abbandhonei in bratzos de sa sorte ◊ no fago mancu s'ammiada, ca isco chi si tratat de dare fune longa a su patire Etymon srd. Translations French signe, geste English nod, sign Spanish ademán, seña Italian cénno German Wink.

ammiàre , vrb Definition giare a cumprèndhere una cosa cun calecuna móvia de conca, de manu o àteru Synonyms e antonyms acinnai 1, atzinnire, chinnire, oghidare Sentences ponzei su pódhighe afaca a su nasu e ammiei in manera misteriosa (N.Falconi)◊ su babbu si tirat de cinta e lia ammiat a su fizu (N.Rubanu) Etymon ltn. ad + micare Translations French faire un clin d'œil, faire signe English to make gesture, to wink Spanish hacer un ademánseña Italian ammiccare, far cénno German winken.

chílciu 1 , nm: chísciu 1 Definition cosa chi si narat o chi si faet a ingestu po fàere a cumprèndhere calecuna cosa, po iscontroriare, fàere asseliare Synonyms e antonyms tzinnida Sentences su cane meu li móssigat a sa tzega airadu e no intendhet mancu sos chíscios chi l'imbio Etymon srd. Translations French signe, geste, clin d'œil English sign, nod Spanish seña (f), ademán Italian cénno, ammicco German Wink.

chinnída, chínnidha , nf: cinnia, cinnida Definition móvia de is ogos, ma fintzes de una css. parte de sa carena coment'e in s'idea de fàere calecuna cosa Synonyms e antonyms acínnidu, móida, tzinnida / chínnita, cinnita Sentences inoraona, ajó, ischida: apena apena a sa boghe supentis, betas su túnciu ma… mancu una chinnida faghes! ◊ at fatu una chínnida de conca ◊ s'uricra mi est drinnendhe e apo a chínnidhas s'ocru ◊ de ogu una cinnia si potzu ti fatzu Etymon srd. Translations French signe, cligner de l'oeil English nod, wink Spanish seña, ademán (m) Italian cénno, mòssa German Wink.

manigiàda , nf: manizada Definition su manigiare; sa móvia de sa manu po fàere calecuna cosa, fintzes chentza dha fàere de abberu Synonyms e antonyms ammiada, ingestu, mesurada, movitada, tramesada Sentences ti ses che colora ischirchinadu ebbi'ebbia pro sa manizada de duas "capas" e duas "tizetas" 2. si li fato sa manizada, cussu cane si che fuit ◊ ti bastet sa manizada! ◊ sa gente fut totu a manigiadas e a boghes po su piciochedhu a cuadhu ca fut binchendho Etymon srd. Translations French signe, geste de la main English wave (of the hand) Spanish ademán, seña con la mano Italian cénno della mano German Handzeichen.

micàda , nf Definition ingestu, móvia de una parte de sa carena o àteru po fàere a cumprèndhere calecuna cosa Synonyms e antonyms acínnidu, manigiada, miada, móvida, ocrada, tzinnida Sentences l'at cumpresu a sa micada ◊ at fatu sa micada de si sinnare ◊ a sa micada de sa chintolza su puzone est fuidu a perdijinu ◊ su mudu mustrat sa cosa a micadas ◊ Pone! - narat fatendhe de micada cun su pódhighe a cúcuru in giosso a su tzilleralzu pro pienare sas tatzas Translations French geste, signe English sign Spanish ademán, seña Italian gèsto, cénno German Wink.

míngula , nf Synonyms e antonyms ammiada, ingestu Sentences aimus istudiadu sas míngulas de fàghere pro nos cumprèndhere chentza faedhare: s'ojitu, unu tuscitu, duos tuscitos, e gai ◊ a mossas e a míngulas mi at fatu a cumprèndhere chi m'isfidaiat a duellu Translations French signe, geste English sign Spanish ademán Italian cénno German Wink.

tzinnída , nf: acinnira* Definition móvia chi si faet cun sa conca, cun sa manu, coment'e bolendho nàrrere cosa Synonyms e antonyms acínnidu, chinnida, manigiada, móida Sentences ti apo cumpresu a sa tzinnida 2. trobeida, travada, abbilandrada e ammurralada, est che anzone pronta a sa tzinnida Translations French geste, signe English nod, wave Spanish seña, ademán Italian cénno German Zeichen.

tzínnu , nm: cinnu* Definition móvia chi si faet mescamente cun s'ogu, tzinnos de oju, coment'e bolendho nàrrere o fàere a cumprèndhere calecuna cosa Synonyms e antonyms acínnidu, ammiada, chinnida Sentences mancari fatas tzinnos, a tie no ti leo ◊ at fatu su tzinnu a una pisedha ◊ totus mi annotant, puntziandhe su risu e fachèndhemi tzinnos ◊ lis at fatu su tzinnu a frimmare Translations French clin d'œil English wink Spanish guiño Italian cénno, occhiolino German Wink.

«« Search again