carúmene , nm: carúmine Definition sa càscia, is ossos de un'animale mortu (e fintzes de su cristianu) Synonyms e antonyms ispéigu, ispínnicu Sentences una tumba nos paret pienada de carúmenes púdidos e mortos ◊ si depia bolare fintzas a s'istedhu prus atesu, cun cales alas che tia pòdere trazare custu carúmene? Translations French charogne, carcasse English carrion Spanish carroña Italian carógna, carcame German Tierleiche.

carúngia, carúnza , nf Definition animale mortu, ispéigu: nau a disprétziu, àliga de muntonàrgiu; fintzes bisura, sa cara po su chi paret Synonyms e antonyms moltolzu Sentences innantis fipi un'avuzu po sa carunza 2. no fiat prexada, antzis portada carúngia maba! Translations French charogne English carrion Spanish carroña Italian carógna German Tierleiche.

cóntzica , nf Definition unu pegus mortu de male e abbandhonau, mescamente su chi abbarrat de ossos e de pedhe Synonyms e antonyms ispéigu, moltolzu Translations French charogne English carrion Spanish carroña Italian carógna German Tierleiche.

ispéigu , nm: spegu Definition pegus mortu, pérdiu, abbandhonau, mescamente su chi abbarrat de ossos e de pedhe Synonyms e antonyms carúmene, cóntzica, iscórtigu, moltolzu, steressu Sentences in altu si bidiant bolos de untulzos bramosos de godire sos ismulzos cun calchi ispéigu in punta de una serra (A.Casula)◊ sa Sardigna is istràngios dh'iant dividia coment’e un’ispéigu is intúrgios Etymon srd. Translations French charogne English carrion Spanish carroña Italian carógna, béstia mòrta abbandonata German Aas.

moltólzu , nm: mortógiu, mortógliu, mortórgiu, mortóriu, mortorju, mortorzu, mortoxu, motroxu, multóriu, murtógiu Definition pegus mortu, pérdiu, abbandhonau, mescamente su chi abbarrat de ossos e de pedhe; bochimentu de animales e gente; logu chi dhue at pegus o persona morta, inue est totugantu mortu o no dhue at singiale de vida, de movimentu, fintzes sa funtzione po che portare su mortu a campusantu / is mortórius = totu su tempus chi, in chida santa, no si sonant sas campanas (de s'incravamentu a sas allegrias) Synonyms e antonyms cóntzica, ispéigu / bochimentu Idioms csn: ghetàresi a mortorju = betàresi a burbas mortas, ghetaisí a s'abbramia che animali a su spéigu, a morti tzurpa; zanna, domo, logu serradu a mortóriu = coment'e chi siant mortus totus, chi no dhoi siat prus nemus; dòlere a mortóriu = meda, de pàrrere morindhe; èssere unu mortóriu, nadu de unu logu = chi no dhoi at genti, movimentu, ispàssiu; genia de frastimu: Su mortóriu sa bidha li paghet! = essiri pòberu a s'úrtimu puntu; sudoratu a mortógliu = sueradu totu ifustu, a una murca de suore Sentences sos abbilastros sunt arrodiados a su mortorzu ◊ parent canes iscudèndhesi a moltolzu ◊ bi godit solu si biet mortórgiu, annanno de fogile in fogile (A.Zedde) 2. ant arrestau a unu po su motroxu de Bissenti 3. sa bichina fit relizonosa e si prestaiat a cada mortóriu ◊ ant àpidu sa zanna serrada a mortóriu ◊ custa bidha est unu mortóriu! ◊ cussu logu ti at a pàrriri unu mortóriu ◊ at pagadu su mortóriu a su preíderu 4. pro su dinare s'ómine si ghetat a mortorju Surnames and Proverbs prb: a su mortorzu current sos corvos Etymon srd. Translations French charogne, abattage, enterrement English murder, carrion, funeral Spanish carroña, matanza, entierro Italian carógna, béstia mòrta, uccisióne, mortòrio German Aas, Kadaver (animale), Leiche (cristianu), Tötung, ausgestorbener Ort.

«« Search again