palpàre , vrb: parpare,
prapai,
prapare Definition
fàere s'ala, is partesas, a unu, arresparmiandhodhi cosas trebballosas o difíciles; fintzes menguare, abbrandhare
Synonyms e antonyms
casilare
Sentences
sezis solos e ndh'azis culpa, ca bos sezis palpados sendhe in sa cria! ◊ sos bandhidos unu tempus furaiant a sos tropu ricos: como no palpant a niunu ◊ a isse ca est malaidonzu tocat a lu parpare ◊ parpades a issa e ponides sempre a mie a fàghere sa cosa! ◊ fit su terrore de sa famíglia, de bighinos e amigos: no palpaiat a niunu ◊ sorri mia est sempri lastimendisí, ca tenit genti chi dha prapat
2.
poetare e cantare serbit a prapare istrachidúdine e disaura (G.A.Mura)
Translations
French
ménager,
préserver,
épargner
English
to spare
Spanish
ahorrar
Italian
risparmiare,
aver riguardo
German
verschonen,
Rücksicht nehmen auf.
serretzài , vrb Definition
tènnere reguardu, arrispetu po s'àteru
Synonyms e antonyms
acatai 1,
arraspetai,
baritare,
remirai
Sentences
própriu custa est s'arrocaléntzia insoru, poita non serretzat is cosas de cumprendi (I.Lecca)
Translations
French
respecter
English
to respect
Spanish
respetar
Italian
aver riguardo,
rispettare
German
Rücksicht nehmen,
respektieren.