làbida , nf, nm, agt: làbide, làbidu, làpia 1, làpida, làpide Definition pedra manna, lada, bona po pomentos e fintzes sa pedra chi si ponet a cobertina po acabbare unu muru sicu (murubbullu); lastra de pedra, mescamente de màrmari o granitu, chi si ponet cun cosa iscrita po ammentu de ccn., in is losas de is mortos; tàpile, frocu de àtera cosa, lada, fintzes lea de terra; chi est de pedra Synonyms e antonyms tella / losa Sentences pro abbitu teniant una pinneta fata de làbidas de pedra bianca 2. in su campusantu bi at unu monumentu làbidu 3. a làbides russas sa bidhia si solvet sola…◊ candho sa terra benit boltulada in s’annighinu ndh’essit a làbidas (A.M.Pinna) Etymon ltn. lapide/m) Translations French pierre tombale, plaque, dalle English tombstone Spanish lápida, losa Italian làpide German Gedenkstein, Grabstein.

làstra , nf Definition pedra lada o àteru materiale a pígiu no tanti fine; fógiu de cellulóide cun s'imprenta de una radiografia; in tipografia, genia de mógliu chi portat sa pàgina istampada de fàere in medas cópias Synonyms e antonyms tella Sentences est trasparente che lastra de cristàgliu 2. at fatu lastras a prummones ma no li ant àpidu nudha Etymon itl. Translations French dalle, radiographie English plate, slab, X-ray Spanish lancha, lastra, losa Italian lastra German Platte, Röntgenbild, Druckplatte.

pedràghe , nm, nf: pedriaghe, perdaghe, predache, predaghe Definition logu totu pedra; pràdiche o pedra lada po cassare animales (margianes, pigiones, lèperes)/ parare unu p. pro tènnere puzones Synonyms e antonyms crastarzu, pedrera, pedriaxu, praicàrgiu, razile, talloraxu / altana, peàdiga 1, pradera Sentences dogni ómine o fera, mavele o marraghe, dae dogni pedraghe, gridat sa protesta ◊ ruent che puzone in sa predache Etymon srd. Translations French terrain pierreux, traquenard en pierre English stony ground, stone trap Spanish pedrisco, losa Italian pietràia, schiàccia, tràppola di piètra German steiniges Gelände, Falle aus Steinen.

tège , nf: texa, texe, texi Definition pedra lada po cassare pigiones o àteru animaledhu areste Synonyms e antonyms predaghe, pradera, pràdica, tèglia* Sentences est andau a pònnere is teges e is lénsias po cassai ◊ in sa texa, un'isposa de pastore bi at isciucadu sos pes a su nignu (S.Casu)◊ sas cótzulas fint cotas in sa texa ◊ in una texa, afaca a s'antarile, bi at una pastera ◊ si est isterruxadu subra de una texa Translations French trébuchet en pierre English broad stone Spanish losa Italian schiàccia German Schlagfalle.

«« Search again