arrampudhíu , agt: arrempudhiu, arrepudhiu Definition chi est in pudhu, inganatzidu, fintzes bestiu bene Synonyms e antonyms alleputzau, galosu, inganatzidu Sentences su bírdiu fiat un'ómini arrampudhiu e sena de rispetu perunu po sa fillasta (F.Carlini)◊ nara, o piciochedhu… ge non ast a èssi tropu arrampudhiu, chi bolis intrai aundi est filla mia?!…◊ ma càstia, est béciu ma barrosu e arrampudhiu, circhendi fémina po si torrai a cojai! Etymon srd. Translations French ragaillardi English cocky Spanish engreído Italian ringalluzzito German eitel.

magnósu 1 , agt: manniosu, mannosu Definition chi est mannu de importu; nau de ccn., chi si credet meda, chi no si abbàsciat a s'àteru o a cosas pentzadas de pagu importu Synonyms e antonyms immanniosidu, manninu / mannósigu, presumidu, strufudhosu, superbiosu Sentences manniosa bellesa universale 2. est unu mannosu, si creit su meri de s'universu ◊ sa piciochedha si fadiat sempri prus mannosa e iscumpudia apetighendi s'istima de is giovunedhus Etymon srd. Translations French grandiose, suffisant, orgueilleux English arrogant, grand Spanish grandioso, engreído Italian grandióso, spocchióso German großartig, hochmütig.

scioréri , agt, nm Definition chi o chie costumat a ammostare totu su chi tenet o chi at fatu de bellu, a braga, a bantu; fintzes chi o chie costumat a ispèndhere a meda Synonyms e antonyms bragheri, pazosu, scioradori, sciorosu Sentences ca fiat sciorera puru, iat cumbidau sa cumpàngia po dhi ammostai sa richesa chi iat incungiau (E.Sanna/M.B.Lai) Etymon srd. Translations French bouffi d'orgueil English puffed up, pompous Spanish engreído Italian trónfio German aufgeblasen.

«« Search again