aggórdu , nm Definition su giacurare, su badrare calecuna cosa po chi no apat dannu Synonyms e antonyms càstiu, miramentu, tenta 3, tentonzu Etymon srd. Translations French garde English custody Spanish custodia, guarda Italian custòdia German Bewachung.

culvénu , nm: cruvenu, cuvrenu Definition totu su chi si faet a manera de no tènnere male o dannu (o fintzes po no ndhe fàere), o cosa (bestimentu) po no tènnere male; logu apartau inue pòdere istare in aprigu, cuau Synonyms e antonyms regualdu Sentences no bi as un'istàntzia chi la potas mantènnere in culvenu: cussa ratatúglia ti est boltulendhe sa domo! ◊ as fatu pensamentos de tènnere in culvenu ◊ una cundenna est unu cruvenu mannu pro su malu fàghere ◊ in notes de bidhia su cuvrenu fit tropu lezeri 2. su leperedhu est in su culvenu cun su coro bolaola, tantendhe a díligu a díligu sa carena dolimazosa Etymon srd. Translations French garde, abri English case, shelter Spanish custodia, amparo Italian custòdia, riparo German Aufsicht, Unterschlupf.

iscustodiàdu , agt Definition chi est chentza custódiu Synonyms e antonyms iscuviadu Translations French sans surveillance English unattended Spanish sin custodia, abandonado Italian incustodito, sènza guida German unbewacht.

miraméntu , nm Definition su mirare, su castiare po custódiu Synonyms e antonyms aggordu, castiamentu, càstiu, tenta 3, tentonzu / contibizu Sentences pro su malu miramentu ndhe morint prus de chentu ◊ iscura sa robba chi no at miramentu ◊ dae miramentu a cussu malassortadu! Etymon srd. Translations French vigilance, surveillance, gouvernement English direction, vigilance Spanish cuidado, custodia, vigilancia Italian vigilanza, govèrno German Aufsicht, Überwachung, Besorgung.

tènta 3 , nf, nm: tentu 2 Definition su tentare, su abbarrare a càstiu, badrandho calecuna cosa o logu; in sa carrada, dónnia àteru istampu fatu apitzu de su tingiosu Synonyms e antonyms aggordu, castiamentu, càstiu, miramentu, tentonzu Idioms csn: pònnere su tentu a unu = fàghere sa posta, tentare fintzas chi essit pro lu tènnere o pro li lòmpere; dare tenta a ccn. = miramentare, tentare, atèndhere Sentences sa note faghimis sa tenta pagu perómine pro sos grodhes ◊ su mantenimentu de cust'ègua mi costat caru, sentza de contai su tentu ◊ sa fura fit meda e bi cheriat su tentu die e note ◊ bi fit su tentu, ma sos furones si che ant furatu sa cosa su matessi!◊ Lalliedha cheriat sa sorre a dare tenta a su fizu 2. li ant postu su tentu e lu ant tentatu a morte! ◊ li azis a dare tenta a sorrastra bostra, ca est minore! Etymon srd. Translations French garde English custody Spanish custodia Italian custòdia German Bewachung.

«« Search again