Ditzionàriu in línia
de sa limba e de sa cultura sarda

blúsa , nf: bruja, brusa, brúsia, bruxa Definition genia de bestimentu de fémina a bestire su bustu, una genia de camisa prus che àteru a chínghere in chintzu aintru de sa gunnedha Sentences cosit brusas e fardetas ◊ sa brusa zughet una mantza ◊ s'ísula nostra abbarrat sempre in mustra che una bruxa betza, catigada (Z.Zazzu)◊ de brusas e malliones ndhe bolent sete parigas su mese ca dhos fúliant! Surnames and Proverbs smb: Brusa Scientific Terminology bst Etymon itl. Translations French blouse English blouse Spanish blusa Italian blusa German Bluse.

camígia , nf: camisa, camísia, camixa Definition pinzos fine de bestimentu, aperta in petorras e in brúcios (ma de abbutonare a limetas)/ s'abbertura, su tzugu, is pungitus, is gajas, is alas, is frunziduras de sa camisa Synonyms e antonyms camijeta Idioms csn: camisa a perras de canna = camisa de linu cun mànigas amplas meda prenciada a pínnigas longas e ladas; camisa o camisedha de su trigu = veste de su trigu, zenia de fozighedha, pizighedhu chi imbóligat su ranu; èssere o istare in mànigas o in palas de c. = bistiu isceti a camisa; pònnere in c. de noe prammos = èssiri fichetu, bòlliri isciri dónnia chistioni Sentences sa camisa dhi est istrinta de palas ◊ Bucianu si ndhe at bogadu sa giacheta, su colpete e sa camígia puru ◊ in tempus de guerra po un'arrogu de pani bendiant fintzas s'ala de sa camisa ◊ fut unu fritu a mòrrere e issu in palas de camisa! ◊ giughet s'imbustu niedhu subra de sa camixa bianca Surnames and Proverbs prb: prus acanta est sa camisa, de su giponi! Scientific Terminology bst Translations French chemise English shirt Spanish camisa (uomo), blusa (donna) Italian camìcia German Hemd.