acàssidu, acàssu , agt Definition chi istat male, est sufrindho / èssere a. de fàmine, de sidis = èssere cassidu de fàmine, de sidi, patindhe fàmine, sidi meda Synonyms e antonyms achénsidu, achensu, cansidu, / cdh. svadhu | ctr. pasadu / mascadu Sentences acassu de sidis m'imbenugaia in s'oru de sa cora pro bíbere ◊ aisculto a buca abberta acassu de melodia ◊ che a poberitu in sos acassos apo rujadu làcanas pro bídere sa fortunedha mia (F.Dedola)◊ una die unu chervu, acàssidu, si acúrtziat a una funtana pro si catzare su sidis Translations French épuisé, besogneux English worn-out, needy Spanish agotado, necesitado Italian esàusto, bisognóso German bedürftig.

achénsidu , agt: achéssidu Definition immarriu meda, a tropu, chentza fortzas po su istare male, a fortza de sufrire Synonyms e antonyms acassu, achensu, cansidu, irbaléndhidu, irbalesiadu Sentences funt atambainados, chena ammentu perunu, achénsidos dae sas podhas chena pasu ◊ sas funtanas sunt achénsidas isetendhe a tie ◊ nessi mi esseras bénnidu achéssidu ma biu! Translations French épuisé English exausted Spanish exhausto, agotado Italian esàusto German erschöpft.

afésiu , agt Definition chi istat male de prupas, làngiu, indebbilitau Synonyms e antonyms cagancinu, ceghixedhu, immarriu, lepuciu, mabagrabiu, marriu, scalarxiu, scariatzu, surgiu 1 Translations French maigre English lean Spanish agotado Italian sparuto, deperito German schmächtig, heruntergekommen.

ammunzàdu , pps, agt Definition de ammunzare; immarriu a tropu, chi at leau tropu múngia Synonyms e antonyms istasidu 2. fuit totu sueradu, ammunzadu, istracu Translations French en mauvais état, mal en point English mistreated Spanish agotado Italian strapazzato German mißhandelt.

cadídu , agt Definition nau de animales e de gente, chi est làngiu a su peus puntu, cun sa pedhe imbodhigada a s'ossu Synonyms e antonyms fadicadu Sentences cussu fiadu est romasu cadidu ◊ sos unturzos si betant a sos pegos cadidos Translations French épuisé, squelettique English worn-out Spanish consumido, agotado, chupado Italian sfinito, schelètrico German erschöpft, abgezehrt.

cansídu , agt: acansidu, cassidu Definition immarriu meda, chi est a malu puntu Synonyms e antonyms acassu, achénsidu, achensu, ansidu, istracu | ctr. pasadu, folte Idioms csn: cassidu de sidi = morindhe de su sidi, chi tenet sidi meda; cassidu de pane = chi tenet bisonzu mannu de pane, famidu Sentences sas ancas no lu rezent: sunt cassidas 2. sa terra est cansida de suore: dade suore a sa terra chi bos dat in giambu ispigas! Etymon srd. Translations French épuisé English exausted Spanish exhausto, extenuado, agotado Italian esàusto German erschöpft.

disartoriàdu , agt Definition chi est chentza artórios, chentza fortzas, mescamente po calecunu dolore o debbilesa Synonyms e antonyms fiacu, iddardurau, ilgherradu, infraculidu, irfrachiu, istasidu, martoriadu, smardoscinau | ctr. briosu Etymon srd. Translations French exténué English enervated Spanish enervado, agotado Italian snervato, spossato German zermürbt.

fadicàdu , agt: fadicau, fadigadu, fatigadu Definition romasu cadidu, làngiu meda, andhau male meda de carres po fàmine o maladias, o fintzes de su tropu trebballare; nau de unu terrenu, chi giughet pagu sustàntzia Synonyms e antonyms afésiu, irmarridu, lagnu, mabagrabiu, marriu, scalarxiu, scariatzu, surgiu 1 | ctr. arrunzonadu Sentences una giunta de orzu no ti la nego, ca ses fadigadu: ma si ti firmas assazas su puntorzu! ◊ tres ndhe incontrat lanzos, fadigados, malancinidos e gai maltratos chi li ant fatu una tale impressione de zente essindhe dae sa presone ◊ coment'e unu calledhu fadigadu in pè no ti rezias de su fàmine 2. za l'ingrassat su logu fadigadu totu cussu ledàmine! Etymon srd. Translations French affaibli English run down Spanish agotado, consumido Italian deperito German heruntergekommen, abgezehrt, abgemagert.

illaéndhidu , agt: islaéndhidu Definition chi est chentza fortzas prus Synonyms e antonyms addrolliu, irbalesiadu, iscinigau Sentences una lughe poética noa a peuta est bolendhe lezera subra de sas frommas antigas islaéndhidas (G.Camboni)◊ fit totu illaéndhidu, a bratzos falados, réndhidu, ne rutu in totu ne ritzu Translations French épuisé English worn-out Spanish agotado Italian sfinito German erschöpft.

ilmarrídu , pps, agt: irmarridu, ismarriu Definition de ilmarrire; chi est chentza fortzas de su fàdigu, de su langiore, de su tropu trebballu Synonyms e antonyms afésiu, fadicadu, istasidu, mabagrabiu, marriu, scalarxiu, scariatzu, surgiu 1 | ctr. arrunzonadu 2. e poto nàrrere chi apo fatu proa, però tenia su giuo irmarridu, mancu artziare podiat sa coa!(B.R.Carbone)◊ deo no poto currer ne trotare che cadhu topu, betzu e ilmarridu (Moretti) Translations French affaibli English run down Spanish agotado Italian deperito German heruntergekommen.

immarríu , pps, agt: smarriu Definition de immarrire; chi istat male de petzas, làngiu; chi est istracu meda / immarriu che àinu = istracu che àinu Synonyms e antonyms lagnu, marriu* / istracu 2. is duos fiant lómpios a sa funtana immarrios ◊ apustis de totu cussu viàgiu a pè furint immarrios ◊ trebballandho deasi funt immarrios ◊ commo seo immarriu e no sigo su contu ◊ fiais immarria ma custa iscutighedha de sonnu bosi at pausau! Translations French affaibli English run down Spanish agotado Italian deperito German heruntergekommen.

irbaléndhidu , pps, agt Definition de irbalèndhere Synonyms e antonyms achénsidu, ammunzadu, fiacu, infrachiu, irbalesiadu, irmarridu, istasidu | ctr. briosu, folte, pasadu 2. semus totu irbaléndhidos de cantu semus istracos! Translations French épuisé English exausted, taken a short run Spanish agotado Italian defatigato, esàusto German müde, matt.

irgheleníu , agt, pps: irghiliniu Definition de irghelenire Synonyms e antonyms afésiu, consumidu, mabagrabiu, maluvratu, marriu, scalarxiu, scariatzu, surgiu 1 2. mi aggarrant, mi picant a fichias de pede e mi lassant a un'ala, mesu irghiliniu: abbarro pacos secundhos gai, a dolores, e tandho zúbilo Translations French émacié, épuisé English worn out Spanish agotado Italian consunto, sfinito German abgezehrt, erschöpft.

isbagazàdu , agt Synonyms e antonyms addrolliu, allacanadu, ammarturau, disartoriadu, ilgherradu, isbriadu, iscinigau, smardoscinau Sentences ómine, fiadu isbagazadu de su triballu, de su fiazu Translations French épuisé English exausted Spanish agotado Italian sfinito, spossato, stremato German erschöpft, völlig ermattet.

isbriàdu , agt Definition chi no tenet briu, fortza Synonyms e antonyms abbrebesciau, addrolliu, isbagazadu Translations French épuisé English worn-out Spanish agotado Italian sfinito, fiacco German erschöpft, matt.

iscinigàu , agt Definition mortu e consumau, nau de ccn. chi est chentza fortzas nudha Synonyms e antonyms illaéndhidu, irbaléndhidu, irbalesiadu, isbagazadu, istasidu Translations French épuisé, à bout English all in Spanish agotado Italian sfinito German erschöpft.

ispossibíu , pps, agt Definition de ispossibire; chi est abbarrau chentza fortzas Synonyms e antonyms afalléssiu, allibiu, ilgherradu, infrachiu, istasidu, istéssitu, tzédidu 2. che so ispossibiu ca so sempre chin issu a tetemeche ◊ m'intendho ispossibiu, aiat nau, est coment'e chi mi apant secau s'ischina ◊ Bobbore pranghet s'amicu mortu e, orammai ispossibiu, rughet a terra (T.Ledda) Translations French épuisé English exausted Spanish agotado, extenuado Italian spossato German erschöpft.

issustassiàdu , agt Definition chi at pérdiu (o che dhi ant bogau) sa sustàntzia, sa fortza Sentences custu terrinu est issustassiadu ◊ so issustassiadu Etymon srd. Translations French appauvri, épuisé English impoverished Spanish empobrecido, agotado Italian depauperato German verarmt.

istasídu , pps, agt: istasiu, istaxidu, stasiu Definition de istasire; chi est chentza fortzas nudha, pigau a debbilesa, de s'immarritzone / porcu istasidu de su lardu = chi no si podet aúrghere de cantu est rassu, chi no bi la faghet a si mòere Synonyms e antonyms ammunzadu, fiacu, infrachiu, irbaléndhidu, irbalesiadu, irmarridu, iscaudhadu, iscinigau, istagiu / cdh. scussatu / frimmadu | ctr. briosu, forte Sentences su tempus malu l'at istasidu 2. tue andhas che muvra, giovanedha, e deo so che pegus istasidu (A.Casula)◊ it'e mandhigare no at fortza a ndhe chircare ca est débbile, istasida ◊ messajedhus cun duus bòis istasius, unu carru e calincunu terrenu, adítziu si campànt sa vida ◊ milliones de pipios morint istasios in cada ala de su mundhu Translations French épuisé English worn-out Spanish agotado, exhausto Italian estenuato, stremato German erschöpft.

spoderàu , pps, agt Definition de spoderai; chi est chentza fortzas Synonyms e antonyms débbile, disartoriadu, fiacu, infrachiu, ispossibiu, istasidu | ctr. folte Translations French débilité English weakened Spanish debilitado, agotado Italian debilitato German geschwächt.

«« Search again