iscàbulu , agt: iscàpulu, iscàvulu, scàbulu Definition chi est chentza cumpàngiu, chentza fígios, a solu, iscapu, bagadiu: nau de cosa a bèndhere, chi no est a pacu, no est a matzu, no si bendhet a dusina ma a unus a unus Synonyms e antonyms iscambillau, iscambillu, schéciu / annàntile Idioms csn: pedra iscàbula = chi si agatat in su terrinu, subra o interrada, a sola, a unas a unas, chi no est in sa roca; andhae, èssere a manos iscàbulas = a manos iscutas, chentza nudha; mamentu iscàpulu = candho càpitat; bodhire a iscàvulu = collire cosa ispartinada peri su logu Sentences che canes iscàpulos in caminu girant in tzitade 2. cussa bica chi essit in terra est pedra iscàbula, no roca ◊ in momentos iscàpulos, tupandhe calas e ponendhe tàpulos mi ndhe so cotu assazandhe sos vinos ◊ bendhiat sos zigarredhos iscàpulos, no a iscàtula intrega ◊ babbai no torràt a domu a manos iscàbulas: una bia batiat sa matuledha, un'àtera su casaxedu o su caxau Etymon itl. scapolo Translations French dépareillé, erratique English odd, wandering, erratic Spanish soltero, desparejado, suelto Italian scompagnato, erràtico, sfuso German ledig, erratisch.

peressiberéssi , avb: essiberessi Definition de una parte a s'àtera, de unu logu a s'àteru, comente si andhat bagamundhandho, chentza ischire mancu a ue Synonyms e antonyms perilloiberillai Sentences meses e meses fit peressiberessi, chena nemos a lu cumpudare ◊ zughent sa mente peressiberessi ◊ sempre ti ant bidu peressiberessi, atraessendhe sa pastura anzena ◊ su puzone podet cantare in gàbbia o peressiberessi ◊ mi giughes a girare peri sos parcos peressiberessi (Contene) Etymon srd. Translations French errant English wandering Spanish errante Italian vagante German herumziehend.

«« Search again