besciàre , vrb: bessai, bessare Definition nau de cosa chi si ponet in istrégiu, essire a fora de s'oru de cantu est meda, tropu; in cobertantza, fintzes caciare / corra bessada = boe cun corramenta a punta a terra, conca a bàsciu Synonyms e antonyms birare, derramai, gessai, ischiscionare, istrocare 1, rebbucare 1 Sentences si dhu castiàt che ollu bessau in terra ◊ dona atentzioni ca bessas s'àcua! 2. a bufai binu ei, ma est légiu a benni a puntu de bessai! Etymon ltn. versare Translations French déborder English to overflow, to pour Spanish rebosar Italian straripare, versare German überlaufen, überfließen.

gessài , vrb: gessare, ghessare, ghisciare, ghissare, grisciare Definition furriare o incrubare s'istrégiu e betare a terra su chi dhu’est, ma fintzes su essire de s'abba o cosas deasi a sumidura, a biradura de un'istrégiu tropu prenu Synonyms e antonyms betae / besciare*, birare, butulai, rebbucare 1 / sfai, sumire Sentences mih chi ghissas su binu a terra! ◊ sos tubbos sont ghissanne trainos de petróliu ◊ grísciache s'abba! ◊ no che grisces su túcaru! ◊ sas mamas pianghent su sàmbene ghessau de sos fizos ◊ si as víviu tropu, a ghessare a fora, eh! ◊ li apo ghissau abba a manos a si sapunare 2. su late si che fit ghissendhe in su fogu ◊ s'abba sàssiat sos sartos assutos candho funtanas e putos ghissant e ingrussant sos pojos e sos rios (L.Loi) 3. sa cuba est gessendu Surnames and Proverbs prb: si nche ghissas s'ozu, disgràssia! Translations French renverser, déborder English to overflow, to pour Spanish verter, derramar Italian versare, traboccare German gießen, überlaufen.

iscolomàre , vrb: iscolumare, iscumbulare Definition betare in manera sélia cosa (abba, ógiu, binu o àteru deasi) de un'istrégiu prenu a un'àteru siat po che ndhe bogare ca est tropu prenu e siat fintzes po lassare su fundhurúgiu assentau in su fundhu de su primu Synonyms e antonyms ilgavantare, illichidare | ctr. acolumare, acumbuai Sentences beni ca mi azuas a che iscolomare su binu de sa temezana a sas ampullas! ◊ cust'ozu che lu iscòlomo a un'isterzu prus minore como chi est pasadu Translations French transvaser English to pour off Spanish trasegar, trasvasar Italian travasare German umfüllen.

iscordolàre , vrb: iscordulare 1 Definition andhare, afilare, su si pònnere e mòvere coment'e a cordone, a filera, foedhandho de bestiàmene meda (o fintzes de gente o àteru) chi si movet Synonyms e antonyms iscúrrere Sentences trubba sas bacas, za iscordolant! Translations French se diriger, sortir English to pour out Spanish fluir Italian defluire German abfließen.

«« Search again