assuconài , vrb: assunconai, atzuconai, atzunconai, sunconai, tzuconai Definition prànghere a suncutos, a assuconis, a meda de no pòdere mancu torrare àlidu; fàere moida coment'e assuconis Synonyms e antonyms assungurtai, assupedhare, piànghere Sentences assunconendi disisperau mi fia cuau in is lentzorus ◊ fiat prangendu e assunconendu coment'e unu pipiu ◊ su dolori dha fait atzuconai ◊ dh'at atzuconau che mortu 2. est lómpiu apustis de totu una dí chi su trenu iat assunconau Etymon srd. Translations French sangloter English to sob Spanish sollozar Italian singultire German schluchzen.

assungurtài , vrb: singultare* Definition prànghere a suncutos, a supedhu Synonyms e antonyms assuconai, assupedhare Sentences prangit e assungurtat po su dannu mannu chi at tentu Translations French sangloter English to sob Spanish sollozar Italian singultire German schluchzen.

assupedhàre , vrb Definition prànghere a supedhu, a suncutos Synonyms e antonyms assuconai, assungurtai Etymon srd. Translations French sangloter English to sob Spanish sollozar Italian singultire German schluchzen.

atzuconaméntu , nm Definition suncutu, genia de cropu chi faet s'àlidu candho si pranghet meda (mescamente a is piciochedhos) Synonyms e antonyms acoramentu, assupedhu, singurtu, súsperu, tzúcuri Etymon srd. Translations French sanglot English sob Spanish sollozo Italian singulto German Schluchzer.

singúrtu , nm: singutu, sungúrtidu, sungurtu Definition est s'assúpidu, su mancamentu de àlidu, chi benit a chie est pranghendho a meda, genia de arrespiru a corpu po carda de prantu Synonyms e antonyms acoramentu, assupedhu, atzuconamentu, súcunu, sucúturu, súsperu, surpúliu, tzuconi, tzúcuri Sentences trista sorte: est bénnida sa die de prànghere a sungurtu! ◊ est prangendi a singutus che unu pipiu ◊ in urigas m'istronat su sungurtu de dolore de sa mama ◊ po dhi fai passai is sungúrtidus, a su pipiu, sa mamma dhi at donau tzúcuru Etymon ltn. singultus Translations French sanglot English sob Spanish sollozo Italian singulto German Schluchzen.

supédhidu, supédhu , nm: assupedhu Definition respiru a cropu, mancamentu de s'àlidu chi faet a chie pranghet a meda; assúpidu, respiru a pelea Synonyms e antonyms acoramentu, atzuconamentu, singurtu, sucúturu, surpúliu, tzuconi, tzúcuri / afandha, assúpidu, bémida, irbúfida Idioms csn: s. assutu = chentza làgrimas; s'últimu supédhidu = s'úrtima torrada de àlidu chi faghet unu morindhe Sentences apustis de pac'ora est ghirada pranghendhe a supedhu pro sa sorre ◊ sessae sos supedhos, chi no est ora de prànghere! ◊ che so curtu isalenau e pranghendhe a supedhu 2. sas bajanas giughiant su coro a supedhos daghi intendhiant sos bajanos cantendhe in su giannile ◊ est proghendhe a supedhu e no b'at ànima in ziru Etymon srd. Translations French sanglot English sob, snort Spanish sollozo, bufido Italian singulto, sbuffo German Schluchzer, Schnauben.

«« Search again