caràsu , nm, agt Definition sa carena chentza prupa, ossos solu, s'ossamenta (su c. de sa foza = sa nerviadura); chi o chie portat sa pedhe imbodhigada a s'ossu de cantu est làngiu, romasu cadidu / c. in pudrigadura = pudrighendhe, irfaghíndhesi Synonyms e antonyms calavre, carúmene, iscarenu, ossamentu / afésiu, assúspidu, bistratu, mabagrabiu, marriu, scalarxiu, scariatzu, surgiu 1 Sentences totu apo dadu de s'èssere meu su pagu chi podia e como nudos sullevo a su chelu sos restos ossudos, sicos, de su carasu ancora reu (Grolle) 2. fémina, ómine, animale carasu ◊ est bella e ruja ma unu cras che at a pònnere in sa losa sa peta carasa ◊ custos boes sunt carasos ◊ no che podiat leare cussu carasu de su babbu, sa morte, chi che at leadu su fizu pisedhu?!… 3. fatendhe unu bolu de oto metres, est restadu isterrujadu che unu carasu, atambainadu e a ojos imbidrados Scientific Terminology crn Etymon srd. Translations French cadavre, squelette English corpse, skeleton Spanish cadáver, esqueleto Italian cadàvere, schèletro German Leichnam, Skelett.

carenàlzu, carenàrgiu, carenàrzu , nm: carenazu Definition sa carena, mescamente is ossos Synonyms e antonyms carena, carenu Sentences za ndhe zughet, de carenarzu, cussu!…◊ est cuendhe sos suspiros in su carenazu sou, pro no dare a bídere nudha ◊ zuto su carenazu tostu, tortu e male cumpostu chi so che un'ischèletro ficadu 2. si isfossades, cantos carenalzos umanos bei dezis agatare!… Scientific Terminology crn Etymon srd. Translations French squelette English skeleton Spanish esqueleto Italian schèletro German Skelett.

iscarénu , nm Definition ossu chentza prupa, cosa andhada male, iscarenada Synonyms e antonyms carasu, carúmene Sentences dae s'iscarenu de cussos giuncos faghe tudhire… Etymon srd. Translations French squelette décharné English skeleton, bone, taken flesh off Spanish esqueleto, hueso pelado Italian schèletro, òsso scarnificato German Skelett, entfleischter Knochen

ispínnicu , nm: ispínnigu, ispinnu Definition is ossos chi abbarrant de un'animale mortu, fintzes sa pedhe; nau in cobertantza, unu o un'animale candho est làngiu meda, totu ossos, o fintzes pòberu / ispinnu de silingra = it'est, su fusu de sa siringa? Synonyms e antonyms carasu, carúmene, spéigu / pòberu Sentences si capitaiat morte de carchi berveghe, su mere cheriat s'ispínniu 2. apo bidu sos tazos a currillu in sa terra aturrada, semenada de ispínnicos ◊ depet picare a isposu unu chi siat de sa cunditzione sua, no un'ispínnicu de che imbolare ◊ de mortes in bidha bi ndhe ant fatu àteras e sos calancones si pieneint de ispínnigos 3. l'at lassada andhare a dommo de sos ispinnos a imparare comente si balanzat su pane Etymon srd. Translations French squelette, carcasse English skeleton, carcass Spanish esqueleto de animales muertos Italian schèletro, carcassa German Tierskelett.

ossaméntu , nm Definition totu is ossos de sa carena po comente funt intraos apare s'unu cun s'àteru Synonyms e antonyms carasu Etymon srd. Translations French squelette English skeleton Spanish esqueleto Italian schèletro German Skelett, Knochengerüst.

«« Search again