fógiu , nm: fógliu, follu, foxu, fozu Definition orrugu de paperi fine, pruschetotu po iscríere o cun cosa iscrita o fintzes pígiu fine de ccn. àtera cosa; documentu, paperi; sa parte lada cun s'atza de is lepedhas / min. fozolu Synonyms e antonyms dochimentu / frama 1 Idioms csn: fàghere sos fozos = fai is paperis, sos dochimentos; cambiai fógliu = fàghere àteru, cambiare pàzine Sentences badiandho su bestiàmini seo ligendho dónnia fógiu chi mi capitat ◊ custe abberit bete libbru e colat su pódhiche a torchietes in paritzos fozolos ◊ cudhu sennore che at ghetau sos fozos a intro de sa bússia e si ch’est andhau 2. apu biu ca no mi torràt a contu e dh'apu cambiau fógliu! 3. portat sa lepa abburinada in su follu Etymon itl. Translations French feuille English sheet Spanish hoja Italian fòglio German Blatt, Bogen.

frèsa , nf, nm: fresu 1 Definition donniunu de is duos pígios de su pane carasau, o fintzes custa genia de pane; pischedhu o làmpina de casu (e fintzes de arrescotu) laditu / f. de ou = oidedhu abbatadu cun túcaru, ispíritu de ou Synonyms e antonyms màtula Sentences si at manigadu duas fresas de pane cun casu ◊ su pane de fresa est lísiu a parte de fora (ca est tesu), ma aspru intro (ca sos pizos s'ispítzigant desesi coghindhe) Etymon srd. Translations French abaisse English sheet of pastry Spanish masa en hoja Italian sfòglia German Blätterteig.

lantzóru , nm: lenciou, lencioru, lensolu, lentolu, lentzolu, lentzoru, letolu, letzolu, linciolu, lintolu, lintzolu Definition telu mannu de orrobba fine chi si ponet a su letu, a duos pígios (lentzolu de asuta e lentzolu de asuba chi si arrebbucat), intremesu de banita e cobertas / allonghiai su pei cunforma a su lenciou = ispèndhere o fàghere su chi si podet; Maria lentolu = M. letolada, letolache, unu èssere fatu a pessamentu pro fàghere a timire sos minores Synonyms e antonyms nentzolu Sentences s'isposa cumenciaiat a preparare su corredo, filaiat su linu po dhu tèssede, cosiat tiàgias, lentzolos ◊ a su mortu dh'iant trogau in d-unu lantzoru ◊ bi teniat fressadas de lana pesosas e letolos de linu ◊ in pizos de lentolu est chirchendhe consolu…◊ mi ant zau billetones mannos, parent lintzolos!◊ portas lentzoru crutzu e po ammantai sa conca t'iscoberis is peis ◊ fui acanta de su fogu ricamendi unu lenciou candu ant bussau ◊ festus lantzorus e pannixedhus de linu Etymon ltn. linteolum Translations French drap English sheet Spanish sábana Italian lenzuòlo German Betttuch.

«« Search again