farrógu , nm: forróciu, forrocu, forrogu, forroxu Definition su forrogare, sa cosa o su logu forrogau; su cricare cosas meda, su bòlere ischire unu muntone de cosas, idea unu pagu maca, istrambeca Synonyms e antonyms aterru, corrovu, farragotu, forrogadura, forrogoni, forroncronzu, isforrogu / arraghèscia Sentences est chircandhe a forrocu ◊ custu est forrogu chi ant fatu sos porcos 2. isceti chi bandis po fai un'istadu de famíglia ti circant centu e unu forrogu ◊ dae candho amus fatu abboju no faghimus che brigare, sempre forroju! ◊ ndi circat, de forrogus, totu!… Etymon srd. Translations French fouille, furetage English grubbing Spanish hurgamiento Italian grufatura, grufolìo German Wühlen, aufgewühlte Sache, aufgewühlter Boden, Gewühle.

isforrógu , nm: isforroxu, isfurrúgiu Definition pruschetotu su murighíngiu, is foradas chi faent is procos cun su murru cricandho cosa asuta de terra e po cussu fintzes sa terra móvia forrogada; su isforrogare, su cricare cosa de mala manera Synonyms e antonyms aterru, corrovu, farrogu, fodichinzu, forrogadura / forada Etymon srd. Translations French fouillement English rummaging, grubbing Spanish el hozar del cerdo, hurgamiento Italian frugaménto German Kramen.

«« Search again