Ditzionàriu in línia
de sa limba e de sa cultura sarda

fèche , nf: fege, feghe, fegi, fexa, fexe, fexi Definition su fundhurúgiu chi in s'istrégiu faet su binu (mescamente de primu iscupu); nau meda in cobertantza e a disprétziu, binu etotu, fintzes s'imbriagone; su ladamíngiu de istentinas Synonyms e antonyms binu / fegone, fexadori Idioms csn: conca de feghe, prenu de fexi = cola fexi, imbriagone, fegone; èssere a una feghe, a conca de feghe = imbriagu pérdiu; Pedru Feghe = su númene chi si ponet a sos imbriagones; sa fortuna de Predu Feghe…= sa peus chi dhoi potzat èssiri; predu feche = erba de cardaneras; incubai asuba de sa fexi = annúnghere pane a brou, annúnghere dannu a su dannu, peorare sas cosas Sentences depiat èssi binu bonu diaderus si feti su fragu de sa fexi mi ndi pigat is sentidus! ◊ ti ses fatu feghe chentza mancu intrare in cuba ◊ imbriagone pudéssiu, feghe portas in conca! ◊ pigadí su cafè, aici si in cropus portas ancora fexi bècia murighendi ti dh’assentat! 2. cussu si cochet a feche ◊ in s'arrogantia fint che zente atzesa de calore de feghe ◊ candho est a una feghe minetat a totugantos ◊ cussu candho est a conca de feghe arrogat e brigat ◊ tui no balis sa fexi pudéscia de is mocas mias! ◊ candho s'imbreaghiat si li faghiat sa cara che sa feghe Surnames and Proverbs prb: binu bonu fintz'a fege Etymon ltn. faece(m) Translations French lie English dregs Spanish hez, borra Italian fèccia German Hefe.

fundhalíssia, fundhalítza , nf: fundharitza, fundharutza Definition cosa o malesa chi si ponet e pàusat in su fundhu de un'istrégiu, de su chi dhue at (ógiu, binu, àteru); nau in cobertantza, gentighedha, gente metzana Synonyms e antonyms fundaina, fundharaza, fundhuluza, funguluza, ludàciu, mucra, mundurúglia, setzedura, smama / cdh. fundarícia Etymon srd. Translations French sédiment, lie, racaille English dregs, sediment Spanish sedimento, poso, heces Italian sediménto, fondàccio German Bodensatz.

fundhuluzósu , agt Definition chi giughet o faet fundhurúgiu meda Synonyms e antonyms fundarillosu / ttrs. fundharitzosu Etymon srd. Translations French plein de lie English full of dregs Spanish borroso, turbio Italian feccióso German hefig.