àscamu , nm: òscoma Definition genia de disgustu o gana lègia chi si provat po cosas chi no praghent Synonyms e antonyms afàstiu, aschiore, ascru, gheléstia, grisu, ischifu Sentences fit totu brutu chi ndhe faghiat s'àscamu ◊ mi faghet àscamu a manigare sa peta crua ◊ su betzu a tremulea, in dolos mannos, a fizu e nura àscamu faghiat (Chighine) Etymon srd. Translations French dégoût English disgust Spanish asco Italian ribrézzo German Ekel.

chérpu , nm: crebu, crepu Definition su crepare, prus che àteru nau solu po s'arrennegu o tzacu chi si sentit po calecuna cosa o chistione Synonyms e antonyms crebacoro, crébidu, crepamentu, crepígiu, febi Idioms csn: a crepu, a crebu de… = po fai arrennegu a…; fai cherpu = fàghere fele, fintzas fàghere dirbetos, bogai crecus, difetos; fai una cosa a crepu de figau = a malaggana, ammarolla; pònnere crebu = pònniri cuadhu in faci, fai a biri de bàliri prus de àterus Sentences mi sciundit su logu po mi fai cherpu ◊ de su cherpu chi tenit in cropus comínciat a prangi a cérrius, gelosa de sa sorri 2. dinaris triballados chin sudores e crepos ◊ fiaus partius ma sa màchina si fiat posta a fai crepus e pariat ca si boliat firmai 3. nois sighimus a nos istimare a crepu de sa zente imbidiosa ◊ dèu ti nau chi ei a crepu de fiancus! ◊ a crebu insoro si ndhe setzit sempre in coa mia ◊ a crebu de cantos bi at nemigos arrives a lobrare onore e gosu! ◊ su pisedhu lu mandhamus a istudiare costet su chi costet: as a bídere chi ponet a conca e ponet crebu! Etymon srd. Translations French dégoût, dépit English disgust, mischief, anger Spanish rabia Italian disgusto, dispètto, stizza German Widerwille, Ärger.

dilgéniu , nm Definition su no pràghere de una cosa o de una persona, su no dha tènnere a géniu, su dh'àere a contragéniu / avb. a d. = a malaggana Synonyms e antonyms afàstiu, àscamu, coscu, gheléstia, grisu, ischifu, noscu Etymon itl. disgenio Translations French répugnance English disgust Spanish repugnancia Italian ripugnanza German Abscheu.

dirgustàre , vrb: disgustai, disgustare Definition pigare su gustu, su praxere de fàere cosa o po ccn. cosa, fàere naschire unu sentidu de arrefudu Synonyms e antonyms dispiàchere, ilvilire | ctr. piàchere Translations French dégoûter English to disgust Spanish disgustar Italian disgustare German anekeln.

dirgústu , nm: disgustu Synonyms e antonyms dispiachere Translations French dégoût English disgust Spanish disgusto Italian disgusto German Ekel.

ghelestiàre , vrb Definition fàere o provare àscamu, ischifu, crisare Synonyms e antonyms abborrèschere, afeai, aschiai, grisai 1, irdinzare, surreschiare Etymon srd. Translations French répugner English to disgust Spanish repugnar Italian ripugnare German anekeln.

irgrisiàre , vrb Definition tènnere o fàere irgrísiu, grisu, nau fintzes in su sensu de àere bregúngia Synonyms e antonyms abborrèschere, afeai, aschiai, ghelestiare, grisai 1, ischifare Sentences ca si fit irgrisiada de fàchere bida rimitana si at chircau una bubada prus còdoma 2. chie iscurtat a bois iscurtat a mimme, e chie s'irgrísiat de mene s'irgrísiat de chie mi at mandhau (Ev.) Etymon srd. Translations French éprouver du dégoût English to loathe, to disgust Spanish despreciar, disgustar Italian schifare German verschmähen.

ischífu , nm, agt: ischivu, schifu Definition chi faet coment'e a gana lègia, genia de gana lègia chi si sentit po cosa chi no praghet, cosa de arrefudare Synonyms e antonyms afàstiu, àscamu, ascu, gheléstia, grisu, irgrísiu, ischefa, ischifera, schivori Sentences su corvu si detzidit a cantare fatendhe ischivu a totu sos puzones Etymon itl. Translations French dégoût English disgust (ing) Spanish asco Italian schifo German Ekel.

ischivítzu , nm Definition genia de ganas lègia chi si provat po unas cantu cosas, cosa chi faet a gana lègia Synonyms e antonyms afàstiu, àscamu, ascu, gheléstia, grisu, irgrísiu, schivori Sentences custa, assumancu, est cosa bona e no bascaràmine che cussu ischivitzu de tramatas chi sunt bendhindhe! ◊ mi faghet ischivitzu ca no ndh'at fatu mai una bona! ◊ custu logu est totu ischivitzu, prenu de terpios Etymon srd. Translations French dégoût English disgust Spanish asco Italian schifo German Ekel.

«« Search again