boetòne , nm: buatone, buatoni Definition genia de persona fata de istràcios po dh'apicare in bíngia a giagarare pigiones; fintzes persona mascarandho, bestia a màscara / passare s'innotzente a b. = ghetai sa nexi a chini no ndi tenit Synonyms e antonyms bustaglioni, ispantamata, malmuntone, màscara, mustagione Sentences malestidos e istratzulados pariamus sos buatones chi ponent in binza ◊ est faladu a terra a costa longa che unu buatone! 2. custos boetones, cun cudha caratza longa de linna in cara, aiant una crispa mala chi faghiat a timire sa pisedhina 3. a fora sos buatones: cun issos no si podet piús campare! ◊ sunt passendhe s'innotzente a buatone! Etymon cdh. buattoni Translations French épouvantail English puppet Spanish títere Italian fantòccio German Vogelscheuche.

coligóli 1 , nm Definition genia de mustajone o mamutzone po giagarare crunculleos e àteros pigiones (e fintzes mamutzone de carrasegare) Synonyms e antonyms furriadolza, mustagione, tzacarradroxa Sentences a carrasegare fiat bestiu de coligoli ◊ pighiaus su coligoli a sos ballos Etymon srd. Translations French épouvantail à moineaux English scarecrow Spanish espantajo Italian cacciapàsseri German Vogelscheuche.

furriadòlza , nf: furriadòrgia, furriadroxa Definition arrana de canna, genia de aina po sonare in chida santa; cosa apicada in is matas po fàere fuire is pigiones comente istat a su move move, furriandho Synonyms e antonyms forriarjola, furrighedhu, furriola, sichirria, straciarana, tzacaredha, tzirriajolu / furriedha, ispantamata, malmuntone, mustagione, uceomu Sentences fadeus duas dis de arroda, cun circulledhus, cannugas e furriadroxas, gara poética e cantu essit! 2. seu che furriadroxa in logu de mata 'e figu, chi mancu su domigu si podit pausai! (D.Maccioni)◊ in bíngia dhue apo postu una furriadòrgia e is pigiones gei fuint ca paret chi dhue at unu tratore! Scientific Terminology sjl Etymon srd. Translations French crécelle, épouvantail English tree-frog, rattle, scarecrow Spanish carraca, espantajo Italian raganèlla, spauràcchio German Knarre, Ratsche, Rätsche, Vogelscheuche.

ispantamàta, ispantamàtu, ispantamàtzu , nf, nm: ispantumata, spantamata Definition mamutzone, cosa (prus che àteru, trastos prenos de fenu a bisura de persona) chi si ponet apicada in is matas po fàere a tímere is pigiones / a i. = a iscusi, chentza si dare a bídere o intèndhere, e fintzas gai pro assuconu Synonyms e antonyms furriadolza, ispàurigu, malapuba, malmuntone, mustagione, pinnatzu 1, tzacarradroxa, uceomu 2. no mi essas che cadhu a ispantamatzu! ◊ immui mi parit ca ses fadendu tropu ispantamatas! ◊ innantis l'ant isparatu pro ispantamatzu e apustis abberu! Etymon srd. Translations French épouvantail English scarecrow Spanish espantajo Italian spauràcchio German Vogelscheuche.

maimòne, maimòni , nm Definition genia de bisura, màscara chi faet a tímere; genia de erba (chi ponent a fàere mustajones e coronas po fàere pròere…)/ bentu maimoni = maimullu, molinada, momonissa, torvellinu, trumúghine 3. si pesat su bentu maimoni e ndi pinnigat sa piciochedha sentz'e donai a su babbu mancu su tempus de fai "zi" Surnames and Proverbs smb: Maimone, Mamone Translations French épouvantail English scarecrow Spanish espantajo Italian spauràcchio German Schreckbild, Schreckgespenst.

malmuntòne , nm: malmutone, mammuntone, mammutzoni, mamuntomo, mamussone, mamussoni, mamutone, mamutzone, mamutzoni, marmutone, mulmutone, mummutone, mummutzoni, mumuntzoni, mumutone, mumutzone, mumutzoni Definition genia de ómine de istràcios o fenu bestiu chi si ponet apicau in is matas po fàere a tímere is pigiones: in su carrasegare de Mamujada su mamutone est una màscara, ómine bestiu in mastruca cun apicones mannos de sonàgias apicadas in is palas chi dónnia tanti faet sonare cun d-una iscutulada, sa cara mascarada cun sa bisera, e is insocadores aifatu po dhu cassare a latzu (a irfogu); fintzes ominedhu de nudha, de pagu contu Synonyms e antonyms aupa, furriadolza, ispantamata, malapuba, mustagione, pinnatzu 1, puba Sentences candho tentat sa binza no b'intrat unu puzone: la leant pro mammutone e no li màndhigant ua! ◊ cumparis veramente su chi ses… unu mummutone pro sos puzones ◊ candu pensu a certus mamussonis mi allupat su coru ◊ e deo inie morzendhe ficadu che unu malmutone! ◊ no bollu a nemus bestiu a mumuntzoni!◊ apu cuncodrau cussu mummutzoni po is pillonis 2. no apu a nai ca tèngiu unu mumutzoni, gei est de ispreni pobidhu miu! ◊ cussu est unu mamutone, no at abbilidade e ne impita Scientific Terminology sntz Etymon srdn. Translations French épouvantail English scarecrow Spanish espantajo Italian spauràcchio German Vogelscheuche, sardisches Kostüm.

mammói , nm: mommoi Synonyms e antonyms babboi, malapuba, malmuntone, mommoti / forasdenosu Sentences pàrgiu dèu puru unu mommoi trogau de lentzorus biancus ◊ is bècius sétzius in foras, impratiaus de su lugori de sa Luna, parint mommois! Translations French méchant loup, épouvantail English bowwow, scarecrow Spanish coco Italian baubau, spauràcchio German Kinderschreck, Vogelscheuche.

mustagiòne, mustajòni , nm Definition mastru de paza, figura a bisura de persona fata cun bestimentu béciu prenu de fenu po fàere a tímere is pigiones; nau de unu, chi est totu bestiu male, légiu meda de cara, isimpre, de pagu abbilidade Synonyms e antonyms boetone, bustaglioni, imbustajoni, ispantamata, malmuntone, pabaratusa Sentences a primu imbucada mi fiat partu unu mustajoni ◊ est bestiu chi parit unu mustajoni ◊ dhi at fatu sa bestimenta aici a mindigu de parri unu mustajoni de bíngia! Translations French épouvantail (à moineaux) English scarecrow Spanish espantajo Italian spaventapàsseri German Vogelscheuche.

uceòmu , nm Definition su Zorzi chi si faet a carrasegare; genia de mamutzone po giagarare pigiones Synonyms e antonyms atziomo, bisera, furriadolza, mustagione, pinnatzu 1 Etymon ltn.e ecce homo Translations French épouvantail English puppet, scarecrow Spanish muñeco, espantapájaros Italian fantòccio, spauràcchio per uccèlli German Vogelscheuche.

«« Search again