cuàdru , nm, agt Definition pintura, fintzes cun d-unu inghíriu de linna trebballada; parte de una màchina, de una butega o fàbbrica ue dhue at aparícios de controllu (es. interrutores, contadores e àteru); chi est fatu a cuadratu / min. cuadritu, cuadredhu; ràdica cuadra = in matemàtica, númeru chi, po èssere moltiplicau cun cussu etotu, giaet un'àteru númeru (es. su 3 est ràdica cuadra de 9), nau sèmpere in su sensu de cricare sa r.c. de unu númeru Sentences no bi at menzus cuadru de bellura candho su beranu mastru de sa pintura mudat a festa s'universu intreu (R.Bechere)◊ ndi est arrutu su cuadritu de s'aposentu miu 2. sa màchina ponet in motu ma no bi atzendhet su cuadru 3. chini nascit tundu non morit cuadru ◊ su logu de una domo si medit a metros cuadros Etymon itl. Translations French tableau English picture Spanish cuadro Italian quadro, quadrato German Bild, viereckig, Quadrat.

pintàdu , pps, agt: pintau, pitau Definition de pintare; chi est fatu a pinturas, ma fintzes solu chi est de diferentes colores / su bestiri t'istat pintau = ti ruet bene meda Synonyms e antonyms pintogadu, pintu / balzu, bardeju, bertigatu Sentences nemmancu Titzianu at mai pitau mancu s'assimbillu de tui! (Lai) 2. no lu podet bíere mancu pintau ◊ su bàntzigu est fatu de tàulas de chercu pintadas a puzonedhos Surnames and Proverbs smb: Pintadu, Pintau, Pittau Translations French peint, tableau English painted Spanish pintado Italian dipinto German gemalt, bemalt.

píntu , agt, pps, nm Definition chi est fatu a pintura (fintzes solu chi giughet colores diferentes, cacarru, chentriadu, pintuinu); de pintare; cosa pintada, sa figura pintada: su pintu pintu est sa parte méngius de una cosa (mescamente de papare) Synonyms e antonyms pintadu, pintogadu / pintura Idioms csn: fàghere sos pintos, su pintu = fai cosa istentosa, de fai atentzioni meda; fai su pintu pintu = fàghere su bellu a cara, cun ccn., e nàrrerendhe male cun àtere; no poder bídere a unu mancu pintu = mancu in frigura, no lu poder bídere tichedhu; èssere lintu e pintu un'àteru = assemizàresi própiu meda; su bremmi p. = tilingrone de terra (es. sa gremedha = bremibintus) Sentences su fizu est lintu e pintu su babbu ◊ sunt duos frades chi si assemizant pari pari, lintos e pintos ◊ bido sa bidha mia che pinta subra de s'ata de s'orizonte 2. su ritratu chi ànghelos ant pintu ◊ giughet sas alas pintas che arcu de chelu bellas ◊ in oxos si li est pinta s'amargura 3. ses che pintu divinu, rosa nobella! ◊ oe apo a deper fàere su pintu… no tèngio mancu filóngiu! Surnames and Proverbs smb: Pintu, Pintus Etymon ltn. pinctus Translations French peint, peinture, tableau English painting, painted Spanish pintado Italian dipinto German gemalt, bemalt, Gemälde.

pintúra , nf: pitura Definition css. frigura fata a pinzellu o àtera aina, o fintzes css. cosa o persona bella meda Synonyms e antonyms pintu Idioms csn: acontzare una p. = torràrela coment'e noa, a comente fit innantis de s'irbiarire o de si derrúere; p. càrriga = cun colores cotos; p. sighida = de totunu andhare, parívile Sentences su beranu mastru ’e sa pintura mudat a festa s'universu intreu (R.Bechere)◊ custa pintura fit unu fundhu chi variaiat dae biancu a colore de chelu e de terra grogantza ◊ cussa piciochedha est bella chi parit una pintura ◊ sa filla fiat bella che pintura ma a su rei no dhi fadiat prexeri Etymon ctl., spn. Translations French peinture, tableau English painting, picture Spanish pintura Italian pittura, dipinto German Gemälde, Bild.

pitzàrra , nf Definition lastra manna de dhu pòdere iscríere a maduru cun su ghísciu, impreada mescamente in iscolas Synonyms e antonyms bitzarra*, lavagna Translations French tableau noir English blackboard Spanish pizarra Italian lavagna German Tafel.

«« Search again