óbiga, óbighe , nf, nm: ópica, ópiche, ópicu, úpigu Definition arretza a forma de sacu, acapiada a una pértia, po piscare trota, fata cun pigionatzos de ollastedhu de erriu (ma a logos fintzes gamu, àghimu); in cobertantza, brulla mala, fura / min. obighedhu Synonyms e antonyms arraciallu, arretza, filau, ganghiledhu, trotiadore / ghelea, giogada Idioms csn: fàghere s'óbiga = nadu in suspu, fàghere una cosa in debbadas, fàghere una cosa seguramente irballada; tortu che un'óbiga = dortu a unu gantzu (nadu de ccn., chi no arrexonat e no ponet mente) Sentences fint in su riu trazendhe s'óbiga prena de trota e ambidha ◊ tiu Gabini abiat pistau àndhalas de piscadore, cun arretzas a codhu, su berticale e s'ópiche 2. si cumandhas a isse già la faghes s'óbiga: mancu t'iscurtat! ◊ si ti pones a isse a sótziu già la faghes s'óbiga!…◊ bi est istada sa ruina de s'annada mala e de sas óbigas Scientific Terminology ans Translations French filet de pêche en forme de sac English sack net Spanish red en forma de saco Italian réte a sacco German sackförmiges Netz.

obighédhu , nm: opighedhu, pighedhu Definition min de óbiga: genia de arretza pitica, intéssia craca, intrada in d-una frochidha de ferru posta in màniga Scientific Terminology ans Translations French petit filet de pêche English small creel with a handle Spanish red pequeña Italian cóppo German Kescher.

pecàdu , pps, nm: pecau Definition de pecare; sa curpa o neghe de su male chi si faet cunsiderau coment'e ofesa a Deus / feu, légiu che su pecadu = feu chi faet a tímere, légiu meda Synonyms e antonyms crupa Sentences perdonu, Deus meu, apo pecadu! 2. est pecadu su meu s'in su sole bido a Tie, bonu Deu? ◊ pecau cuerrau est mesu pedronau ◊ pecadu est a furare e a bochire ◊ sa giustíssia dhu tirit: est légiu che su pecau! ◊ sos pecados a si ndhe impudare no abbastat pro ndh'èssere innetiadu ◊ candho apo ischitidu ogni pecadu, líbberu curra in padros de lugore! Surnames and Proverbs prb: pecados de babbu, fizos los pianghent Etymon ltn. peccatum Translations French péché English sin Spanish pecado Italian peccato German Sünde.

pénsiu , nm: péntziu, péssiu, préssiu, pressu Definition genia de mata e de frutu maduru (upm), tundhatzu, lisu lisu o fintzes pilosedhu a fora, prupa grussa e po su prus grogància e suciosa, ossu arrasposu cun chiu a bisura de méndhula: su frutu si podet distínghere in duas genias, duraghe (sa prupa no istacat de s'ossu) e isperrache (sa prupa istacat bene); su pl., is préssius, genia de druche fatu cun duas bocitedhas apicigadas apare e ispergiadas cun tzúcuru a fora (e sèmpere is préssius candho si foedhat de is matas)/ calidades de p.: préssiu petza (duraghe, cun sa prupa saboria meda e aghedhosa, tostada), muscadedhu, nughe/pruna (a pigiolu lisu lisu), galleta, istrecau, a bisura de orrodighedha e ossu pitichedhedhu Synonyms e antonyms péssiche, prèssaba Sentences in s'ortu dhui tèngiu is nugis e is pénsius 2. no ti papes su péssiu crua! ◊ apu pigau una cascita de préssiu 3. it'est custu leu in francas de isprama arrúbiu-fexi, grogànciu-pénsiu? (S.Vargiu) Scientific Terminology frt, Prunus persica Etymon ltn. persicus Translations French pêche, pêcher English peach (tree) Spanish melocotonero, melocotón Italian pèsco, pèsca German Pfirsichbaum, Pfirsich.

péssiche , nm: péssie, péssighe, péssighi, péssua Definition genia de mata e de frutu matucu (upm), tundhatzu, lisu lisu o fintzes pilosedhu a fora, prupa grussa e po su prus grogància, ossu arrasposu cun chiu a bisura de méndhula: su frutu si podet distínghere in duas genias, duraghe o rósigu (sa prupa no ispicigat de s'ossu) e isperrache o ispitzigaditu (sa prupa istacat bene)/ calidades de p.: préssiu petza (duraghe, cun sa purpa saborida meda e aghedhosa), muscadedhu, nughe (lisu lisu), galleta (istrecau, ciatu) Synonyms e antonyms pénsiu*, pérsiga, prèssaba Sentences amus prantadu péssighes ◊ sos péssighes si che sunt sicos ◊ su péssighe est in frore 2. totu su péssighe ndh'amus bodhidu ◊ dàemi duos péssighes! ◊ ant fatu pilarda de péssua ◊ custu est péssighi crua! Scientific Terminology frt, Prunus persica Translations French pêcher, pêche English peach (tree) Spanish melocotonero, melocotón Italian pèsco, pèsca German Pfirsichbaum, Pfirsich.

písca , nf Definition su piscare, su trebballu de is piscadores Synonyms e antonyms piscada, piscadu Idioms csn: p. a tràinu, p. a bullentinu; arrennèsciri a fai p. = revèntere, resurtare a un'iscopu Sentences sunt otantaxincu dis chi seu in mari e depu fai una bona pisca ◊ baidindi aillargu e gheta sa retza po sa pisca 2. cun tui gei ndi apu fatu una de pisca!… Etymon srd. Translations French pêche English fishing Spanish pesca Italian pésca, pescagióne German Fischen, Fischfang.

piscàdu , pps, agt, nm: piscau Definition de piscare; totu su pische cassau: a logos, su p. est sa lissa e fintzes solu pische Synonyms e antonyms pisce / lissa Sentences istanote at fatu note bona e ant piscadu ◊ candho est rúpidu, su soru ndhe cheret piscadu 2. sos macarrones si manigant piscados 3. sos piscadores sunt torrendhe cun sas barcas pienas de piscadu ◊ mi ant bogadu a manigare unu cantu de piscadu ◊ innoi dh'at cotu su piscau, in sa sartàina? ◊ dhi praxiat a bandai a s'oru de su frúmini po iscabbulli piscadedhu Surnames and Proverbs prb: chie cheret piscadu su culu s'ifundhet Etymon spn. pescado Translations French pêché English fishing, fished, catch Spanish pescado Italian pescato, pescagióne German gefischt, geangelt, Fischfang.

piscagiólu , nm, agt: piscajolu Definition chie piscat, chi serbit a piscare (deosi si narat fintzes de sa terudha pertunta, cussa de aggrumai, po piscare s’ispruma) Synonyms e antonyms piscadore Sentences sa balca piscagiola piscat in altu mare aligusta e pazellu…◊ sos piscajolos batint su pische friscu dae Bosa, a bidha 2. dae sa fentana si nche vident duas barcas piscajolas Etymon itl. pescaiolo Translations French chalutier, bateau de pêche English fishing, fishing boat Spanish pesquero Italian pescheréccio German Fisch…

subbacuài , vrb Definition piscare asuta de s'abba Translations French pêche sous-marine English to go in for underwater fishing Spanish hacer pesca submarina Italian fare pésca subàcquea German Unterwasserjagd treiben.

«« Search again