istrisíntzu , nm: istrisinzu Definition persona de nudha, de pagu contu; bisóngiu, miséria Synonyms e antonyms arrenulliosu, burribburri / bisognu 2. inumbe est povertate at istrisintzu Etymon srd. Translations French personne insignifiante English insignificant person Spanish persona insignificante Italian persóna insignificante German unbedeutender Mensch.

nèmmos , prn: nemos, nemus Definition peruna persona, genia de prn. in parte de css. númene de persona, pentzandho is personas però coment'e manc’una, farta de totus, foras totugantas (a bortas si narat coment'e nm.)/ Mussi Nemmos = unu chi est acoment'e nisciunus, fatu e lassau Synonyms e antonyms nensunu, nesciune, neune | ctr. totugantos, totus Sentences cue nemos ofendhet a nemos ◊ creia ca no nc'iat nemus! ◊ no bi at nemos in domo ◊ candho andho a letu porto sos pes fritos e no dhue agato a nemos po mi dhos callentare! ◊ fut amigu cun totus e nemus teniat segretus cun issu 2. candho fipo minore dego, su sindacau fit in colore de cane fughindhe: bi fit, ma comente a tziu Nemmos ◊ cussu est unu nemmos! Etymon ltn. nemo Translations French aucun, personne English nobody Spanish nadie Italian nessuno German niemand.

nensúnu , prn, agt: nesciunu, nessunu, nisciunu, nisciunus Definition peruna o manc'una persona (ma si narat fintzes coment'e agt.: mancu unu, nudha) Synonyms e antonyms nemmos, nesciune, neune / mancunu, perunu Sentences passat ingui po no dhu biri nisciunus ◊ custu no teniat a nensunu, ma teniat su dinare ◊ babbu tuo no est brigantinu e no picat picardias chin nesciunu ◊ in domo mia no retzo a nisciunu 2. no dhue fiat in nessunu logu ◊ no dhui at postu nisciunu sinnali Surnames and Proverbs prb: nessunu niat "De cust'abba non bio"! Etymon itl. nessuno Translations French aucun, personne English nobody Spanish nadie Italian alcuno German niemand.

nesciúne , prn: nisciune, nessune Definition peruna persona Synonyms e antonyms nemmos, nensunu*, neune Sentences in cussa bidha no b'istat piús nesciune ◊ at nadu chi no at bidu a nesciune ◊ de su passadu nos ndhe asseguramus, de su venidore no l'ischit nisciune Translations French aucun, personne English no one Spanish nadie Italian nessuno German niemand.

neúne, neúnu , prn: niune, niunu Definition prn. impreau sèmpere po inditare gente: mancu una persona, peruna persona Synonyms e antonyms nemmos, nensunu, nesciune | ctr. totus Sentences iscuru a chie est solu, proite si ruet no at a niune ◊ niune naschet in s'arte imparadu ◊ sa bentre non la bidet niunu ◊ in caminu no bojemus a neune finas a bidha Surnames and Proverbs prb: niune nerzat biadu fintzas chi siat interradu Translations French aucun, personne English nobody Spanish nadie Italian nessuno German niemand.

pelsòne , nf, nm: persona, persone, personi, pertzoni, pessona, pessone, pessoni, prassoni, pressona, pressoni Definition su cristianu, ómine o fémina, cunsiderau po totugantu su chi est de carena e de cumportamentos, su chi paret e fintzes su chi est chentza chi si pàrgiat coment'e ideas, cultura, capacidades, importu e àteru Synonyms e antonyms carena / cdh. passona Idioms csn: pessone bona = onesta, triballante, contivizosa, acabada, de calidades bonas; pessone mala = metzana, dada a su malu fàghere Sentences medas otavas, modas e frores bivint solu in sa mente de is personas antzianas ◊ coment'e persone cumpariat pagu: fit bàsciu e gobbosu ◊ at pentzau ca fiat una pressoni chi contat meda ◊ si bident sos persones aferrèndhesi ◊ sa limba est una, e própiu no sa peus, capatzidade naturale de sa pessone e de totu sa zente ◊ no bi votat niunu in sa pelsone mia: ndhe fato su chi chelzo! ◊ bio chi est persona itelligente e de bonu sensu Surnames and Proverbs prb: sa personi intelligenti no si abantat mai Etymon itl. persone Translations French personne English person Spanish persona Italian persóna German Person.

perúnu , agt Definition mancu unu, nudha Synonyms e antonyms mancunu, nensunu, panú, verunu Sentences is féminas chi faiant custas meighinas no pediant paga peruna ◊ ti apu nau ca po mei est oguali, no dhui at peruna diferénsia ◊ àbbiles perunas li segrestant su fídigu in su petus ◊ s’isterrimenta de unu frore su prus de is bortas non tenet perunu acàpiu de sensu cun sa torrada ◊ creia de no fai perunu mali fuedhendi a sa continentali! Etymon itl. veruno Translations French aucun, personne English some, any Spanish ninguno, alguno Italian alcuno, veruno German kein.

turrionàju , nm: turronàgiu, turronaju, turronàrgiu, turronarju, turrunaju Definition chie faet o bendhet turrone Sentences est in donzi festa paret turronaju! ◊ sunt connotos sos turrionajos tonaresos Scientific Terminology prf Etymon srd. Translations French personne qui fait du nougat English torrone maker Spanish turronero Italian fabbricante di torróni German Nougathersteller.

«« Search again