fumàda , nf Definition su fumare, su fàere fumu Synonyms e antonyms afumiada, fumiada Idioms csn: dare sa f. = fàghere unu sinnale cun su fumu; leare prestu sa f. = primmaisí luegus; èssere una f. = una furriada de ogus, un'iscutighedha 2. una fumada ebbia est custa vida! Etymon srd. Translations French fumée English puff of smoke Spanish humareada Italian fumata German Rauchen.

fumentài, fumentàre , vrb: afumentai* Definition prènnere su logu de fumu, fàere fumu meda, fàere fumentu Synonyms e antonyms afumai, ifumentare 2. andhadu soe a bi l'abbaidare… agiommai mi ndhe aiant fumentadu! Translations French dégager beaucoup de fumée English to fill with smoke Spanish ahumar Italian far mólto fumo German qualmen.

fúmmu , nm: fumu Definition ammesturu de cosa chentza abbruxada bene, no deunudotu, lebiedha, chi si ndhe andhat impare cun su gasu de s’abbruxamentu, de colore iscurosu e fintzes niedhu; in cobertantza, cosa o manera de fàere chi no lassat bíere bene is chistiones comente funt, cosa chi faet male a ogos (che a su fumu etotu) Idioms csn: tocai de f. = pònnere unu pagu in su fumu, a leare fumu, dare unu pagu su sabore de su f.; picare sa ’ia de su f., fàghere sa tucada de su f. = andai e no torrai prus; èssere a unu f., faladu a f. = nadu de cosa prantada e de zente puru, no bàlere a nudha, àere fatu frundha mala; èssere in fumos = nadu de ccn. ,pazosu meda, pampallucheri; falàresi a f. (nau de cosa prantada) = anneulàresi, andhare male; andai in f. = iscumpàrrere, pèrderesi; pesare sa cosa in f. = perdimentai sa cosa, distrúere sa cosa; no si nd'iscít ni f. e ni fraca = no si ndh'ischit nudha; fumu de terra = patata, pomuderra; li andhat che fumu in ojos (nadu de carchi cosa)= li faghet male, li noghet, no li piaghet; èssiri callagalla de f. (nadu de logu serradu)= prenu de fumu a segare a fitas Sentences li andhaiat su trabàgliu coment'e su fumu in ojos ◊ su fumu pítziat a is ogus ◊ non essit fumu sena de fai fogu ◊ sa sartitza si ponet in su fumu a l'assutare 2. at fatu sa tucada de su fumu: no si est bidu prus 3. sos basolos ocannu si sunt totu falados a unu fumu, totu guastos Surnames and Proverbs smb: Fumu Etymon ltn. fumus Translations French fumée English smoke Spanish humo Italian fumo German Rauch, Trübung.

niedhigòre, niedhigòri , nm Definition negru de fumu, mascara bogada de linna ogiosa abbruxada po usu de imbarchinamentu, po giare o fàere colore niedhu po muros; fintzes marcu druchesau de pistadura Etymon srd. Translations French noir de fumée English lampblack Spanish negro de humo Italian nerofumo German Ruß.

tentiédhu , nm: sintziedhu, tintiedhu (su t. = nr. sutintiédhu) Definition tzintziedhu, cosa niedha de fumu, a bisura de pruine fine fine, chi faet su fogu mescamente segundhu ite o comente si abbruxat Synonyms e antonyms fodhine, fumàdigu, mascara, sintziniedhu, titibedhu* Translations French suie, noir de fumée English soot Spanish tizne, hollín Italian fulìggine, nerofumo German Ruß.

tiravúmmu , nm Definition genia de tubbu o canna larga meda (cannone) po ch'essire o bogare su fumu de ue si faet su fogu Synonyms e antonyms fumajolu Sentences is zumineras de is domus portant su tiravummu Etymon srd. Translations French conduit de fumée English flue Spanish cañón de chimenea Italian canna fumària German Rauchfang.

«« Search again