ispariméntu , nm: esperimentu, isperimentu, sparimentu Definition cosa chi si faet provandho a bíere comente arresurtat o ite efetu faet, mescamente su chi faent is iscentziaos controllandho totu is variàbbiles de unu fatu o fenòmenu a manera de fàere dipèndhere s'efetu de sa variàbbile (càusa) chi decidint issos o de istabbilire cale est sa càusa de un'efetu Synonyms e antonyms iscumbata, proa, provajolu / isperiéntzia Sentences a lu faghimus un'isperimentu, giaghi deo a lu fagher prontu so? (Tuccone)◊ po is montis ant fatu is isperimentus e s'Everest arresurtat su prus artu de su mundu 2. de sas gherras ndhe amus bidu malu isperimentu ◊ como apo leadu isperimentu e isco su chi fato ◊ tue ca ses mannu as isperimentu Translations French expérience, essai English test Spanish experimento Italian esperiménto German Versuch.

isperiénscia , nf: esperiéntzia, isperiénscia, isperiéntzia, ispiriéntzia, spariéntzia Definition su connòschere sa faina, is cosas, is chistiones po dhas àere bistas, connotas, provadas, fatas Sentences su pani podit abarrai atellau e matzosu, ma is féminas chi tenint bona isperiéntzia de raru arruint in custa fadhina ◊ chin s'isperiéntzia de sos otant'annos isse intrat a s'ánima sua misuràndheli s'istripile ◊ fit iscadhau e s'isperiéntzia lu fachiat pessare a su malu ◊ s'isperiéntzia narat ca custu mali benit de su bentu marinu ◊ issu at isperiéntzia e aio fatu bene si l'aio iscurtau Translations French expérience English experience Spanish experiencia Italian esperiènza German Erfahrung.

pràtica , nf: pràtiga Definition su ischire fàere bene e cun facilidade calecuna cosa po dh'àere fata àteras bortas, ca si connoschet bene; totu is paperis de una dimandha Synonyms e antonyms pratichesa / dimandha, dochimentu 2. sa pràtiga pro sa pentzione est frimma in carchi ufíssiu Translations French expérience English practice Spanish práctica, expediente Italian pràtica German Praxis, Erfahrung, Akte, Dokument.

pratichèsa , nf: pratighesa Definition su s'ischire manigiare bene faendho calecuna cosa po dh'àere fata àteras bortas, ca si connoschet bene, po dha tènnere a parusu Synonyms e antonyms ttrs. pratighétzia Sentences cun sos zóculos no at leadu ancora pratighesa a caminare in faladorza ◊ a fàghere fainas gai bi cheret pratighesa: no est a ischire duas o tres cosighedhas, no! ◊ no est nudha si unu est in betzesa, ca za si salvat cun sa pratighesa! (Màsala) 2. fatas a sa lestra custas letziones, falau est a pratichesas Etymon srd. Translations French expérience English experience Spanish práctica, experiencia, destreza Italian pràtica German Praxis.

«« Search again