ischígnere , vrb: ischínghere, iscíngere, iscíngiri, issínghere, scíngiri Definition pigare e bogare su bestimentu chi si portat bestiu (e prus che àteru de una parte solu): a logos est fintzes solu a si ndhe bogare su bonete, sa cicia de conca; iscíngere/iri fintzes in su sensu de iscapiare Synonyms e antonyms irraghilare, ispogiare, spollincai, spollitai | ctr. chígnere, beltire Sentences si aiat ischintu sa berrita ◊ boliat iscíngere a Cixu ca no aiat gana de pagare su bestire 2. sos fómines pro rispetu lu salutaiant ischinghènnesi (M.Dui) 3. cudh'ómini cun d-una funigedha nos iat acapiau e noso pensiaus de nosi pòdiri iscíngiri Etymon ltn. ex + cingere Translations French déshabiller English to undress Spanish desnudar, desvestir Italian svestire German entkleiden.

ispogiàre , vrb: ispollai, ispotzare, ispozare, spogiai Definition bogare una parte de su bistimentu chi si portat bestiu (sinono si narat ispollai nudu, innudare); nau de is matas, pèrdere sa fògia; in cobertantza, isfrutare s’àteru, pigandhondhedhi su chi tenet / ispollai unu frori = irfozare unu fiore nendhe sas peràulas m'istimat, mi gelat pro ischire de calicunu o calicuna… Synonyms e antonyms ischígnere, ispannuliare, spollincai, spollitai | ctr. bestire, chígnere Sentences sa mama, irghilinada, imbratada de sàmbene, ispozat sa pitzinna pro nanchi li firmare su sàmbene ◊ incomintzant a s'ispotzare, unu pintzu ifatu de s'àteru, fintzas a restare nudas de su totu ◊ si fiant agataus ispollaus nudus ◊ si acostat, si nd’ispollat su bonetu e at saludau 2. s'ischiavu modernu l'ispozat e lu vendhet su guvernu ◊ sas àrvules s'ispozant, si vestint de nie e tristos sos puzones isetant su veranu Etymon ltn. spoliare Translations French déshabiller English to strip Spanish desvestir Italian spogliare, svestire German ausziehen.

spollincài , vrb: ispollincare* Definition bogare totu su bestimentu Synonyms e antonyms innudare, ischígnere, ispogiare, spollitai | ctr. bestire, chígnere Sentences lah, chi brintant a innòi cussus ti fatzu spollincai e ti fatzu sorfatai totu! ◊ si non fiat po sa bregúngia si spollincamus e bienta ca nosu seus límpius che sa prata! Translations French déshabiller, se déshabiller English to undress Spanish desnudar Italian spogliare German entkleiden.

«« Search again