delicadèsa , nf: dilicadesa, dilicatesa Definition su èssere delicau de una cosa, ma mescamente de unu fàere, nau fintzes in su sensu de àere arrespetu, atentzione, duritu Synonyms e antonyms amànsciu, debbilesa, dilichia, dilighesa | ctr. maluggrabbu Sentences a fígia mia dh'apo pesada cun delicadesa ◊ custa est cosa de leare cun delicadesa, ca sinono si segat, totu ◊ in chistiones goi bi cheret delicadesa ca sa zente si podet fintzas primmare ◊ íntrali cun delicadesa, mighi che iscontzas totu comente ti pones a tocare! ◊ zai ti dhas at zadas mamma tua sas delicadesas, mesches candho bufas!… Translations French délicatesse English delicacy Spanish delicadeza Italian delicatézza German Zartheit.

dilicadúra , nf Definition cosa delicada, bona meda, de gustu fine Synonyms e antonyms finesa Translations French raffinement, délicatesse English refinement Spanish fineza, refinamiento (m) Italian raffinatézza German Kostbarkeit.

dilichía , nf: dilighia, diligia Definition su èssere delicau de unu o de una cosa, ma mescamente de unu fàere Synonyms e antonyms amànsciu, delicadesa, dilighesa Sentences la nínniant sas fadas cun dilichia pro no l'ischidare ◊ cun dilighia at cumbintu su maridu chi su fizu fit isseperendhe su zustu Etymon srd. Translations French délicatesse, fragilité English delicacy, fragility Spanish delicadeza, fragilidad Italian delicatézza, fragilità German Zartheit, Zartgefühl.

dilighèsa , nf Definition su èssere díligu de una cosa, ma mescamente de unu fàere Synonyms e antonyms amànsciu, delicadesa, dilichia, diligura Sentences est su dovere de onzi tzitadinu su de li usare dilighesa a s'ambiente Etymon srd. Translations French délicatesse, fragilité English delicacy, fragility Spanish delicadeza, fragilidad Italian delicatézza, fragilità German Zartheit, Zartgefühl, Zerbrechlichkeit.

finèsa , nf Definition su èssere de pagu grussària; foedhandho de cumportamentu, manera de fàere díliga, atentzionada, crabbosa, de no ofèndhere, de fàere su giustu Synonyms e antonyms finària, finétzia, finitesa, lechesa, lecura, sutilesa / dilicadura, dilighesa | ctr. russària 2. mai tui mi as fatu biri una finesa de amori! ◊ cun genti de pagu finesa est malu su ponni amori Translations French finesse, délicatesse English delicacy Spanish fineza Italian finézza, delicatézza German Dünnheit, Feinheit.

«« Search again