aprícu , nm: aprigu Definition su si pònnere cun apentu a fàere cosa Synonyms e antonyms apentu, contibizu, incuru Sentences depides dare cara chin apricu a sos cumandhos de su Segnore Etymon srd. Translations French application, disposition English application, inclination Spanish aplicación, ahínco Italian applicazióne, inclinazióne German Eifer.

asséntu , nm Definition su èssere postu bene, firmu, séliu, fintzes su logu inue unu o una cosa est posta; manera de fàere sa cosa, de si cumportare cun cunsideru, cun firmesa; cosa assentada, datos assentaos, iscritos e fintzes paperi cun cosa iscrita Synonyms e antonyms acussertu, arresetu, arréulu 1, assébiu, assentamentu, assuermu, ausentu, incuru, lista, prachidesa / partoxu / firmesa, giudísciu, sabiesa Idioms csn: sos assentos = sos postorzos de su trigu messadu; is assentus = is localis po su bestiàmini in su furriadroxu; tèniri pagu a. = zúghere pagu sabiore, èssere chentza tinu; de a. = cun seriesa, a sa séria, chentza presse; fàchere una cosa chin a. = cun incuru, bene; restare o imbarare de a. = detzídere, pònneresi de acordu; missa de assentu = missa de s'arretiru, missa pro unu mortu chi nachi tiant bídere in ziru Sentences su bentu muilendhe no lassaiat portas in assentu ◊ isse no tenet mai assentu, sempre tribbulendhe ◊ su mundhu est roda e chie l'at formadu no cheret ch'istet sempre de un'assentu (L.Marongiu) 2. beni dai cuss'altu assentu! ◊ sas mannas de su trigu messadu si che leant a s'assentu e dae s'assentu a s'arzola 3. su tratu tou e assentu mi at fatu diliriare ◊ cussu est ómine de pagu assentu 4. lèadi s'assentu de sa cosa chi mi as dadu ◊ zughiat in manos s'assentu pro pagare sa lughe, totu trofizèndhelu ◊ is cummerciantis funt sempri fendi assentus in su libbretu 5. sa candhela alluta pigadha cun assentu! ◊ a pretziare una bachiana si fachet chin assentu ◊ si fiat postu a trabballai de assentu ◊ pranghítemi in assentu! ◊ satzeldotes, de assentu pedo a bois salude e ghia! 6. su príntzipe restat de assentu de si che leare a Maria ◊ restant de assentu chi sa robba e su càmiu deviant abbojare a s'istradone ◊ fimis restados de assentu chi deviat torrare Etymon ctl., spn. assento, asiento Translations French stabilité, disposition, rangement English stability, organisation Spanish estabilidad, asentamiento Italian stabilità, sistemazióne German Stabilität, Ordnung.

atitúdine , nf Definition capacidade naturale de fàere calecuna cosa, prus che àteru unu trebballu, un’arte, una professione Synonyms e antonyms abbilesa, abbilidade, capatzidade Translations French disposition, aptitude English aptitude Spanish aptitud Italian attitùdine German Begabung.

dispòsta , nf Definition cosa chi si decidit de fàere Synonyms e antonyms decisione, disposiscione Sentences sa disposta fiat de fai festa ◊ e it'est sa disposta? ◊ is malos ant pigau sa disposta de dhu mòrrere ◊ su meri dh’iat donau sa disposta po cumenti depiat fai Etymon itl. disposta Translations French disposition, instruction English disposition Spanish disposición Italian disposizióne German Anordnung, Disposition.

incrína , nf, nm: incrine, incrinu, ingrina, ingrinu Definition su àere passione, apentu, su impunnare de naturale a calecuna cosa Synonyms e antonyms índula, ingrigna, naturale Sentences cun totu chi pariat de malu incrine, s'ànima aiat afetuosa ◊ dhu'at un'arede de ispíritos e doennas sèmpere in fua po s'incrinu areste ◊ dontzunu si procuraiat sos zocàtulos ponèndhebbi totucantu s'incrinu vonu chi aiat ◊ m'imputas ingrinos de demóniu! ◊ non est genti de incrina màua ma est càrriga de fícius Etymon srd. Translations French inclination, penchant, disposition English inclination Spanish inclinación Italian inclinazióne, propensióne German Neigung.

«« Search again