Ditzionàriu in línia
de sa limba e de sa cultura sarda

chircàdu , pps, agt: chircau, circau Definition de chircare; chi est o chi dh'ant cricau, chi dhu cricant ca totus o medas dhu bolent, chi funt cricandhodhu 2. su logu est totu chircadu: no si che agatat unu cocoi! ◊ pressi meda teniat: at serrau sa crésia, po nanca fai trabballus, sentza de tenni mancu su muraroi circau! 3. sèmeno sa birdura e robba de iscialada, màssimu cudha chi est piús chircada ◊ isse fut un'inferchidore pretziadu e chircadu Translations French demandé, requis English looked for Spanish buscado, buscado, apreciado Italian cercato, richièsto, ricercato German gesucht, begehrt.

pedídu , pps, agt: pediu, pidiu Definition de pedire; chi est fatu a pedidura, a impréstidu, chi est de àtere 2. de candu su fogu at abbruxau sa sagristia teneus ancora su ministru a prendas pedias!◊ su chi ch'est inoghe est totu pedidu, mih, no pesses chi l'ant comporadu: sinono za fit nudha a fàghere custa festa!… Translations French demandé, mendié English begged Spanish pedido en limosna, mendigado Italian chièsto, mendicato German gebeten, gebettelt.

percúnta , nf: pragonta, precunta, pregonta, pregunta Definition cosa chi si pedit po bòllere ischire, o fintzes po àere, tènnere (fintzes po fémina a pobidha)/ fàghere sa pregunta a una fémina = circai a mulleri Synonyms e antonyms dimandha / cdh. pricunta | ctr. arraspusta, sceda Sentences fata sa pregunta, iat aspetau a dhi torrai sceda ◊ faghe a manera chi eo agate un'imposta a totu sas pregontas! ◊ a cussa pregonta issu no iscít arrespundi ◊ Giuanni candu iat biu cudh'ómini dh'iat fatu is própias pregontas 2. Bobbore no torrat a pònnere pede in dommo tua si non pro sa precunta Etymon srd. Translations French question, demande English demand Spanish pregunta Italian domanda, richièsta German Frage, Forderung.

preguntàda , nf Definition dimandha, mescamente candho su babbu e sa mama de s'ómine andhant a domo de sa fémina po s'acabbamentu de sa cójua Synonyms e antonyms percunta Etymon srd. Translations French demande English question Spanish pedida Italian domanda German Frage.