chentàles , nm pl: chinciales, chintales, chintari 1, chintzales, sintzalis Definition s'ora chi cumènciat a pònnere riga faendho die, abbreschendho; su colore sèmpere prus craru chi si biet in s'orizonte candho est acanta a fàere die e fintzes una genia de errigas de diferente colore chi si podent bíere in s'aera faendho die o iscurigandho Synonyms e antonyms abbréschida, abbreschidorza, abburiadroxu, albore, arborinu, chinta 2, nea, scampiadórgiu, spanigadroxu Idioms csn: a chentales, ponindhe chintales de die, betanno chinciales = orbescendi; sos chintales de su sero = sas umbras comente che abbàssiat e intrat su sole, iscurighendhe; su bentu de sos chentales = bentixedhu de ammengianu a chitzi Sentences fit un'iscéntzia pretzisa chei su lugore de sos chentales ◊ cras manzanu, apena a sos chentales, sa nave ti aprontamus pro tucare ◊ no bi at note chi no at chintzales ◊ chintzale ruju a sole… intra linna, pastore! 2. dae sos chintales tuos ses andhadu in terighinos de ispinas Scientific Terminology sdi Etymon srd. Translations French aube, crépuscule English dawn, twilight Spanish crepúsculo (matutino, vespertino) Italian alba, crepùscolo, striature all'orizzónte German Morgendämmerung, Zwielicht.

interighinadórzu , nm: intrighinadorju, intrighinadorzu Definition s'ora chi, apustis intrau su sole, cumènciat a iscurigare, est iscurigandho; in cobertantza, sa becesa, s'úrtimu tempus de sa vida Synonyms e antonyms immurinadorzu, inchinadorzu, inclinada, interighinada, interinada, intríchinu, irmurinada, iscuricada, iscurigadolzu, murriadrosu | ctr. abbréschida Sentences cada sero, a intrighinadorzu, si torrabant a ammamare sos crapitos Scientific Terminology sdi Etymon srd. Translations French crépuscule English twilight Spanish crepúsculo Italian crepùscolo German Dämmerung.

interinàda , nf: intirinada, intrinada Definition s'ora chi s'aera est immurrinandho, cambiandho colore, siat su merie addaghi iscurigat e siat candho est faendho die su mengianu chitzo Synonyms e antonyms inchinadorzu, inclinada, ingalu, interighinada, interighinadorzu, intríchinu, irmurinada, iscuricada, iscurigadolzu, murriadrosu / cdh. antrinata, intrinata | ctr. abbréschida, scampiadórgiu, spanigadroxu Sentences dogni die a s'alvèschere tiu Zanu bessit e torrat sempre a s'intrinada (S.Casu)◊ a dies istat finas a s'intrinada cantendhe ◊ a s'interinada calant sas umbras 2. a s'intrinada de custu manzanu ap'ojadu in carrera una tziedha Scientific Terminology sdi Etymon srd. Translations French crépuscule, coucher de soleil English dusk Spanish crepúsculo Italian crepùscolo, tramónto German Dämmerung, Sonnenuntergang.

murriadrósu, murriadróxu , nm: ammurriadroxu, murrinadroxu Definition parte de sa die candho su sole si ch'est intrau o est acanta a essire Synonyms e antonyms immurinadorzu, inchinadorzu, interinada, intríchinu, irmurinada, iscuricada, iscurigadolzu | ctr. abbréschida Sentences est aproviau a su murrinadroxu ◊ in su murriadroxu de sa vida ogus de nébida càstiant pubas chi adítziu s'iscerant (D.Maccioni)◊ de s'ora de sa nea a su murrinadroxu Scientific Terminology sdi Etymon srd. Translations French crépuscule English twilight Spanish crepúsculo Italian crepùscolo German Dämmerung.

«« Search again