aciuvàu , pps, agt Definition de aciuvai; chi ch'est afundhau, intrau a mesu, abbasciau, chi faet a cofu Synonyms e antonyms infossau 2. portat is cantrexus aciuvaus, is ogus aciuvaus Translations French enfoncé, coulé, creux, enfoncé English ditched, embedded, hollowed out Spanish hundido, ahuecado Italian affondato, infossato, incavato German versunken, eingesunken.

agionedhàdu , pps, agt: ajonedhadu Definition de agionedhare; chi est giumburudu che agionedha Synonyms e antonyms abbajonadu, allachedhadu, atortiau | ctr. ladu, ténneru Translations French creusé (p.p.), creux (adj.), bossu, tordu English humpbacked, sunken, crooked Spanish ahuecado Italian incavato, gòbbo German ausgehölt, buckelig.

cafúdu , agt: cofudu, cufudu Definition chi est a tuvu, imbuidau, istuvonau, nau mescamente de truncos mannos de matas / àlbure cafudu, mata cafuda; terudha cofuda = terudha tupada Synonyms e antonyms acogalzadu, burgutu, caudu, copudu, fungudu, putudu, tufudu | ctr. prenu Sentences custu est unu pratu cofudu de ferru martau ◊ ant fatu unu tofu cufudu Etymon srd. Translations French creux, profond English sunken Spanish hueco Italian incavato, profóndo German hohl, tief.

caúdu , nm, agt Definition buidu de una mata; chi est buidu / una dente cauda = dente mantzada, buida, tuvuda, guasta; monte caudu, élighe cauda = chi dhue at buidos mannos, grutas Synonyms e antonyms bódiu, tuva / cafudu, tufudu | ctr. pienu 2. in domo de tiu Sanna bidei sos fizos manighendhe a caudu, a mossos mannos ◊ su tempus impressadu manighendhe a caudu colat deretu ◊ a caudu a caudu su tempus si mànigat a tie! Etymon ltn. cavus Translations French creux, vide English hollow Spanish hueco Italian vuòto, incavato German leer, hohl.

incànsciu , nm: incàscinu, incàsciu, incàssiu Definition genia de buidu fatu apostadamente (in linna, pedra, metallos o àteru) o naturale (de un’arremu de sa carena) inue intrat apare un’àtera parte fata a cunforma a su buidu, cosas diferentes chi portant s’una su chi mancat a s’àtera a manera de allobare bene impare Synonyms e antonyms incartu 1, incastru, intassu, mortisa / amadura, apigiadura, incasciadura Idioms csn: i. de sos ossos = innujadolzu; i. de sas dentes = càncara, su boidedhu, in s'ossu de sa barra, ue est ficada sa dente; i. de s'ogu = chea o calanca de s'ógiu; èssere a i. = intrare bene apare, torrare zustos; a l'as s'incàsciu!… = ses diaderus cumbintu chi…, tenis s'idea fissa chi… Sentences in coru fai un'incàsciu e poniminci su coru! 2. su mare si altzat e si falat e torrat a s'incànsciu sou 3. a l'as s'incàsciu, tue, chi cussa fémina est bella!… Etymon ctl., spn. encaix Translations French assemblage, emboîture, creux English dap Spanish encaje Italian incastro, incavo German Einschnitt, Vertiefung.

incheàdu , pps, agt Definition de incheare; fatu a chea, coment'e fatu a fossu Synonyms e antonyms ischeadu / incolonconau 2. gighet sos ojos incheados Translations French creux English hollowed out, hollow Spanish hundido Italian incavato German ausgehöhlt.

isaminaméntu , nm: isanimamentu Definition ischinnitzu de istògomo de chie est arrefinau de su fàmene, genia de fàmene, de apititu forte o chi s'intendhet forte Synonyms e antonyms afinamentu, afinu, fàmene, francusina, isanimadura, sfinighimentu Sentences sa mammaluca mi gustabat ma apustis mi picabat a isanimamentu ◊ zuto su coro andhendhemindhe de s'isanimamentu! Etymon srd. Translations French creux à l'estomac English pangs of hunger Spanish languidez de estómago Italian languóre di stòmaco German Gefühl der Leere im Magen.

issilicàre , vrb Definition sentire o àere coment'e fàmene, isanimamentu, afinamentu de ànima Synonyms e antonyms schinitzai Translations French avoir l'estomac creux English to feel hungry Spanish tener hambre Italian sentire languóre, fame German Hunger haben.

mortísa , nf Definition istuvonadura in su linnàmene po nche incasciare àteru orrugu de linnàmene trebballau Synonyms e antonyms incàsciu, incastru, intassu, stuvioni Sentences seu cument'e mortisa de granitu a s'incàsciu Etymon itl. mortisa Translations French creux, cavité, emboîture English dap, cavity Spanish encaje, mortaja Italian incavo, incastro German Aushöhlung, Vertiefung.

presète, presétu , nm Definition buidu aintru de is montes, in is orrocas, inue apaulat s'abba; logu serrau Synonyms e antonyms alabatu 1, lutone 1, prodessu Sentences sos presetos s'iscontzant in códulas istérrias a lecucu in su riu ◊ bi at presetes mannos chi b'istat mizas de metros cubbos de abba ◊ bos lavates in sos presetos Translations French cuvette, creux English basin Spanish cuenca Italian cónca rocciósa German felsige Mulde, felsiger Kessel.

stubíu , agt: stuviu Synonyms e antonyms bódiu, tuvu / aciuvau, cafudu | ctr. pienu Translations French creux English hollow Spanish hueco Italian cavo German hohl.

trevúcu , agt: truvucu, tuvucu Definition chi calat a fundhu, nau mescamente de su buidu de un'istrégiu, de pratu, de putzos e àteru Synonyms e antonyms devucu, fosciudu, fungudu, preputu, tofuncu, truvudu Idioms csn: putu tuvucu, raighinas tuvucas = fungudu, fungudas, chi falant a fundhu meda; drommire a tuvucu = a sonnu surtu; terra t. = a pizu russu Sentences su putu est truvucu ◊ su putu est tuvucu deghe metros ◊ custa est una córvula tuvuca ◊ as fatu surcos tropu truvucos 2. su sou est unu dolore trevucu 3. no li servit frensada e ne brenusu e dormit a tuvucu, a bentre in susu Etymon srd. Translations French creux, profond English deep Spanish hondo Italian fóndo, profóndo German tief.

tufúdu , agt: tuvudu, tuvutu Definition chi est totu a tuvas, a tuvu, a buidedhos o fintzes a buidu mannu (nau de ebrúgiu, es. fenugu de ortu, chi at pérdiu abba, béciu, passau); nau de istrégiu, chi che portat su fundhu in bàsciu, chi est a costaos artos; nau de fémina, chi no impríngiat, chi no faet fígios Synonyms e antonyms acogalzadu, cafudu, copudu, putudu / mantzadu / bóidu, cambarau, stuvau, túvaru, tuvatu, tuvonadu, tuvonatu, tuvu / cdh. pulciosu / bíciu | ctr. pienu Sentences cust'arraiga est tuvuda ◊ zughet una dente tufuda ◊ dhoi at una mata manna totu tuvuda ◊ un'istrasura de abba dh'at custrinta a si aprigare in d-unu crecu tuvudu 3. cun totu is féminas chi at praticau no at tentu unu fillu: mi narat s'idea ca fiat povintzas tuvudu! ◊ totus pentzànt chi femu tuvuda, e invècias immoi seu príngia! 4. cussu at a portai fintzas su ciorbedhu tuvudu! Etymon srd. Translations French creux, filandreux, fibreux English hollow, stringy, thready Spanish hueco, fibroso Italian cavo, stoppóso, fibróso German ausgehöhlt, faserig.

túvu , nm, agt Definition logu o tretu buidu, prus che àteru aintru de calecuna cosa ma no fatu apostadamente; sa càscia de su petus ue, in sa carena, dhue funt is prumones e su coro; chi est fatu a buidu, a buidedhos; nau de logu, afallamentu abbasciamentu mannu in su terrenu / bardu t. = cardu cun sa parte de mesu buida, a bisura de canna Synonyms e antonyms tuva / bóidu, stuviu, tufudu, túvinu, tuvonadu, tuvonatu Sentences tuvu de saucu ◊ apo chircadu in matas, tuvos e carrarzos 2. bi at àlvures tuvas ◊ deo in sa terra tuva beto sa vena e olzu in terra sútile e renalza Etymon ltn. *tufus Translations French creux, cavité English hollow Spanish hueco Italian cavo, cavità German ausgehöhlt, Höhlung.

zúnta , nf: giunta* Definition is manos postas impare cun is pódhighes bene acostios apare coment'e a fàere una conchedha o cíchera a pigare cosa; sa cosa chi cabet in is manos postas deasi Synonyms e antonyms farrancada Sentences dàemi una zunta de méndhula, de olia, de cariasa ◊ leare sa cosa a zuntas ◊ in sa funtana at bufadu s'abba a zuntas ca no bi aiat isterzu a umprire Translations French creux de mains English double-handful Spanish hueco de la mano, almorzada Italian giumèlla German zwei Handvoll.

«« Search again